U Drahičynie «za palityku» zvolnili žurnalista rajonki. A pracy ŭ horadzie nie znajści
Andrej Rasafonaŭ pracavaŭ u rajonnaj haziecie «Drahičynski vieśnik». Na sajcie vydańnia možna znajści jaho artykuły ad 2015 hoda i da 2 śniežnia 2022-ha. I voś užo piać miesiacaŭ rajonka nie publikuje materyjały karespandenta, piša bresckaja «Viasna».
Rasafonava zvolnili praz sud pa art.19.11 KoAP (raspaŭsiudžvańnie, zachoŭvańnie ekstremisckich materyjałaŭ). «Pravaparušeńnie» znajšli, kali žurnalista vyklikali ŭ miascovy vajenkamat dla źvierki źviestak.
Padčas znachodžańnia jaho ŭ vajenkamacie ŭ kabiniet zajšoŭ supracoŭnik KDB i zapatrabavaŭ u Rasafonava telefon. Prahladzieŭšy pryładu, adrazu zatrymaŭ žurnalista i advioz u Drahičynski RAUS. Tam Rasafonaŭ byŭ źmieščany ŭ izalatar časovaha ŭtrymańnia na troje sutak da suda. Pa rašeńni suda Drahičynskaha rajona, Andrej Rasafonaŭ byŭ pakarany štrafam u 10 bazavych vieličyń (370 rubloŭ) z kanfiskacyjaj telefona.
Paśla hetaha Andrej Rasafonaŭ byŭ zvolnieny z rajonki «pa zhodzie bakoŭ». Jaho ŭziali administrataram u kramu «Vostraŭ čyścini», ale ž papracavać tam atrymałasia niadoŭha: paśla zvanka z adpaviednaj ustanovy jon byŭ znoŭ zvolnieny. A ŭ nievialikim haradku pracu ciažka znajści.
Pa peŭnych źviestkach, vyjšli na žurnalista praz toje, što jon u 2020 hodzie padpisaŭsia za vyłučeńnie Cichanoŭskaj i Babaryki ŭ kandydaty ŭ prezidenty.
Hoły mužčyna pierabieh z Polščy ŭ Biełaruś, ruch na miažy na paru hadzin pierakryvali9
Kamientary