Staršynia KDB praanansavaŭ «šerah surjoznych akcyj zamiežnych centraŭ» na terytoryi Biełarusi
Pa vynikach čarhovaj narady siłavoha błoka ŭ Łukašenki Ivan Cierciel zajaviŭ, što KDB prahnazuje značnuju eskałacyju abstanoŭki pa pierymietry Biełarusi.
Pa jaho słovach, nie spyniajucca sproby destabilizavać situacyju ŭnutry krainy. Jak śćviardžaje Cierciel, nienazvanyja «centry za miažoj» płanujuć hetu dziejnaść pry padtrymcy niepasredna kurataraŭ, u tym liku ź liku zamiežnych śpiecsłužbaŭ.
Jon paabiacaŭ nieŭzabavie pakazać prykłady praduchileńnia teraktaŭ, pracy kontrraźviedki i materyjałaŭ zatrymańniaŭ.
«U nas kožny dzień idzie cichaja praca. Jaje kiraŭnik dziaržavy asabista kantraluje, viedaje ŭsie niuansy. U bližejšy čas — tydzień-paŭtara — my pakažam vyniki hetaj pracy. Na žal, nie ŭsie našy hramadzianie jašče ŭśviedamlajuć tuju niebiaśpieku, jakaja składvajecca vakoł ich, vakoł ich siemjaŭ. Tamu my na prykładzie ŭžo realnych materyjałaŭ, realnych zatrymańniaŭ, pracy kontrraźviedki, pracy padraździaleńniaŭ pa abaronie kanstytucyjnaha ładu, jakija praduchilajuć terakty, pakažam voś hetyja prykłady dla taho, kab našy ludzi razumieli, z čym my majem spravu», — cytuje słovy kiraŭnika KDB BiełTA.
Łukašenkaŭcy i raniej tłumačyli masavyja represii ŭ krainie nibyta zmahańniem z zamiežnym voraham. Prošukami vorahaŭ tłumačyłasia i biednaść, ekanamičnyja prablemy.
Masavyja palityčnyja represii ŭ Biełarusi praciahvajucca z 2020 hoda, kali Alaksandr Łukašenka, miarkujučy pa źviestkach z učastkaŭ, dzie vybarčyja kamisii dazvolili naziralnikam sačyć za padlikam hałasoŭ, prajhraŭ Śviatłanie Cichanoŭskaj, ale nie addaŭ uładu.
Z 2022 hoda, paśla napadu Rasii na Ukrainu, biełarusaŭ pačali pieraśledavać i za antyvajennyja vykazvańni abo simpatyi da Ukrainy.
Za hety čas u krainie adbyłosia nie mienš za 50 tysiač palityčna matyvavanych zatrymańniaŭ, zaviedziena nie mienš za 12 tysiač palityčna-kryminalnych spraŭ i adkinutyja navat samyja bazavyja normy zakonnaści i marali.
Kali majecie važnuju dla ŭsich infarmacyju, pišycie redaktaru «Našaj Nivy» ŭ TH, na nivanasha@gmail.com ci nivanasha@proton.me.
Albo pišycie asabista tym žurnalistam i redaktaram «Našaj Nivy», jakich vy viedajecie i jakim daviarajecie (lepš — u sihnał ci telehram).
«Naša Niva» — bastyjon biełaruščyny
PADTRYMAĆ
Ciapier čytajuć
Biełaruś zaniała druhoje miesca pa złačynnaści siarod jeŭrapiejskich krain. Jak ža składali taki rejtynh?5
Biełaruś zaniała druhoje miesca pa złačynnaści siarod jeŭrapiejskich krain. Jak ža składali taki rejtynh?
«Minimalny zarobak doktara ŭ Polščy bolšy, čym ja mieła ŭ biełaruskim pryvatnym centry». Doktarka Markiełava — pra pracu ŭ polskaj balnicy i vyrab naturalnaj kaśmietyki99
Kamientary