Rasijskaja rakieta, jakuju znajšli pad Bydhaščam, prylacieła z boku Biełarusi? «Biełaruski Hajun» sumniavajecca
U kancy minułaha tydnia polskija ŚMI paviedamili, što ŭ lesie kala nasielenaha punkta Zamaść, što za 15 km ad polskaha horada Bydhašča, byli vyjaŭlenyja abłomki nieapaznanaha vajskovaha abjekta. Polskaje vydańnie Onet apublikavała materyjał, dzie sabrała viadomyja padrabiaznaści i viersii, jak hetaja rakieta naohuł mahła apynucca na terytoryi Polščy, a «Biełaruski Hajun» ich supastaviŭ sa svaimi źviestkami i prakamientavaŭ.
![](http://nnexpictures.fra1.digitaloceanspaces.com/img/w732d4webp1/photos/z_2023_05/z29713467ampwies-zamosc-pod-bydgoszcza-miejsce-w-ktorym-spad-4pqn0.jpeg.webp)
Pa źviestkach polskich žurnalistaŭ, pieršapačatkova dumali, što znojdzienyja abłomki — heta snarad Druhoj suśvietnaj vajny, ale chutka ad hetaj viersii admovilisia.
U minułuju piatnicu hienierał Tomaš Piatroŭski skazaŭ, što abjekt moža być źviazany «z padziejami siaredziny śniežnia minułaha hoda, kali rasijanie ździejśnili masiravany abstreł Ukrainy». Pra heta ž zajaviŭ i premjer Matevuš Maraviecki, kažučy, što 16 śniežnia 2022 hoda nataŭskija samaloty F-35 i polskija samaloty byli padniatyja pa tryvozie dla adsočvańnia trajektoryi rakiety, jakaja apynułasia na terytoryi Polščy. Ale tady rakietu nie znajšli.
![](http://nnexpictures.fra1.digitaloceanspaces.com/img/w732d4webp1/photos/z_2023_05/fu4e6gzx0aagl7p-18a66.jpeg.webp)
Pavodle źviestak žurnalistaŭ,
na hety momant samaja surjoznaja hipoteza, jakuju prymajuć pad uvahu śledčyja, u tym, što «16 śniežnia rasijskaja rakieta X-55 była vypuščanaja z rasijskaha samalota, jaki pralataŭ nad terytoryjaj Biełarusi».
Toje, što znojdzienyja abłomki sapraŭdy naležać rasijskaj rakiecie X-55, žurnalistam paćvierdziŭ i adzin z vysokapastaŭlenych polskich čynoŭnikaŭ: «Tak. Chutčej za ŭsio heta rasijskaja rakieta».
Niahledziačy na toje, što viersija nie źjaŭlajecca aficyjnaj i kančatkovaj, vajskovy ekśpiert Jarasłaŭ Volski
pasprabavaŭ rekanstrujavać palot rakiety i pryjšoŭ da viersii, što «pusk byŭ zrobleny z-pad Smalenska pa Kijevie. Adna z rakiet adchiliłasia i nakiravałasia ŭ bok Polščy praz terytoryju Biełarusi».
![](http://nnexpictures.fra1.digitaloceanspaces.com/img/w732d4webp1/photos/z_2023_05/fu4hq9uxwaiwyuv-hnsim.jpeg.webp)
Manitorynhavaja hrupa «Biełaruski Hajun» śćviardžaje na padstavie svaich źviestak, što 16 śniežnia za ŭvieś dzień zapuskaŭ rakiet z terytoryi Biełarusi zafiksavana nie było.
![](http://nnexpictures.fra1.digitaloceanspaces.com/img/w732d4webp1/photos/z_2023_05/karta-16-dekabrya-d7rou.jpg.webp)
Što da viersii Jarasłava Volskaha, to zvyčajna rakiety takoha typu laciać na vyšyni pary dziasiatkaŭ mietraŭ, i ich składana nie zaŭvažyć.
A miarkujučy pa karcie, stvoranaj Volskim, jana mahła lacieć nad bujnymi haradami: Mahilovam, Dziaržynskam, Navahrudkam i navat nad Minskam. U takim vypadku, kali jana lacieła praz usiu krainu, nie zaŭvažyć jaje było prosta nierealna.
Ale Volski taksama śviedčyć, što mahła adbycca admova sistemy navihacyi,
i ŭ takim vypadku rakieta mahła lacieć naohuł na luboj vyšyni. I kali dniom jaje ŭsio adno zaŭvažyli b, a nočču i ŭ drennaje nadvorje pry vialikaj vyšyni vierahodnaść, što snarad nichto nie ŭbačyŭ by, była b bolšaja.
![](http://nnexpictures.fra1.digitaloceanspaces.com/img/w732d4webp1/photos/z_2023_05/122k9kuturbxy81mmi3zta2ys04ntdiltq2ztytody2zi1lymy0ndmwmdkyoguuanblz5gtas0dsm0cdt4aaqewaaexaq-515bo.jpeg.webp)
Akramia taho, na fota i videa, jakija publikujuć ŚMI, bačnyja abłomki i miesca pryziamleńnia, pa jakich možna adnaznačna skazać, što rakieta nie vybuchnuła, bo ŭ advarotnym vypadku les vakoł «raźlacieŭsia b u treski» i źjaviłasia b bujnaja varonka, jak pry padzieńni snarada FAB-500 u rasijskim Biełharadzie ŭ krasaviku hetaha hoda — hetyja snarady padobnyja pa paramietrach, i ich karektna paraŭnoŭvać.
![](http://nnexpictures.fra1.digitaloceanspaces.com/img/w732d4webp1/photos/z_2023_05/3729908_900-e8h0s.jpeg.webp)
Heta aznačaje, što rakieta była zapuščana naohuł biez bajavoj častki, da prykładu, jana mahła zapuskacca dla vyznačeńnia SPA Ukrainy.
Tym nie mienš, «Biełaruski Hajun» nie robić kančatkovych vysnoŭ i źbirajecca nadalej sačyć za vynikami śledstva ŭ Polščy.
Kamientary