Pracoŭnaja hrupa Administracyi prezidenta biez papiaredžańnia praviała rejdavuju pravierku pracy viciebskich vykankamaŭ.
Pracoŭnaja hrupa Administracyi prezidenta Biełarusi 10—11 listapada biez papiaredžańnia praviała rejdavuju pravierku pracy vykanaŭčych i rasparadčych orhanaŭ ułady ŭ Viciebsku pa vykanańni patrabavańniaŭ dyrektyvy № 2 «Ab mierach pa dalejšaj debiurakratyzacyi dziaržaŭnaha aparata».
Jak paviedamlaje pres‑słužba prezidenta, padčas pravierki vyjaŭleny šerah surjoznych niedachopaŭ. U pryvatnaści, staršynia Viciebskaha harvykankama Viktar Mikałajkin pačaŭ pryjom hramadzian pa asabistych pytańniach z paŭtarahadzinnym spaźnieńniem. U vyniku ŭtvaryłasia čarha z amal 10 čałaviek. Infarmacyja ab źmienie hrafiku pryjomu nie była raźmieščana.
Na pracoŭnym miescy nie było načalnika adździeła pa pracy i sacyjalnaj abaronie Viciebskaha harvykankama Aleny Kapuścinaj, jakaja taksama pavinna była vieści pryjom hramadzian pa asabistych pytańniach.
«Jość dakładny rehłamientavany paradak pryjomu hramadzian pa asabistych pytańniach, zaćvierdžany prezidentam Biełarusi, jaki nieabchodna niaŭchilna vykonvać. Heta śviataja sprava dla kožnaha kiraŭnika», — prakamientavaŭ situacyju kiraŭnik Administracyi prezidenta Uładzimir Makiej.
Aprača taho, u harvykankamie nie naładžana elektronnaje ŭzajemadziejańnie ź inšymi strukturnymi padraździaleńniami i arhanizacyjami pry ažyćciaŭleńni administracyjnych pracedur. Sajt harvykankama ŭtrymlivaje nieaktualnuju infarmacyju ab paradku ažyćciaŭleńnia administracyjnych pracedur harvykankamam i jaho strukturnymi padraździaleńniami. Haračaja linija Viciebskaha harvykankama pracuje tolki adzin dzień na miesiac, i pry hetym ni adzin ukazany telefon nie adkazvaŭ.
Vyniki praviedzienaj pravierki buduć paviedamlenyja kiraŭniku dziaržavy. Administracyja prezidenta praciahnie praktyku praviadzieńnia anałahičnych raptoŭnych pravierak pa pytańniach debiurakratyzacyi dziaržaŭnaha aparata ŭ inšych rehijonach. Za vyjaŭlenyja niedachopy i chiby ŭ pracy spahnańni buduć vielmi žorstkija, zaznačajecca ŭ paviedamleńni pres‑słužby.
KDB aktyŭna viarbuje palitviaźniaŭ, vyzvalenych pa pamiłavańni — pravaabaroncy5
Kamientary