Kiraŭnik niezaležnaha prafsajuza «Azota» — pra rasijskaha menedžera hrodzienskaha «Azota».
Kiraŭnik niezaležnaha prafsajuza «Azota» — pra rasijskaha menedžera hrodzienskaha «Azota».
11 žniŭnia novym hienieralnym dyrektaram pradpryjemstva «Hrodna Azot» byŭ pryznačany rasijski mienedžer Ihar Žylin. Jon staŭ šostym kiraŭnikom pradpryjemstva ad jaho zasnavańnia na pačatku 60‑ych hadoŭ minułaha stahodździa. Pry hetym, ad 1992 hodu heta ŭžo čaćviortaja źmiena kiraŭnictva. Niezvyčajna toje, što na vialikaje biełaruskaje pradpryjemstva zaprasili menedžera z-za miažy. Adrazu pajšli razmovy ab pieradprodažnaj padrychtoŭcy zavodu. Tym bolš što «Hazprom» daŭno padbivaŭ baki ŭ Hrodna.
Siarhiej Antusievič, kiraŭnik niezaležnaha prafsajuza supracoŭnikaŭ «Hrodna Azot», tak acharaktaryzavaŭ ŭ razmovie z «NN» novaha kiraŭnika pradpryjemstva:
«Ja sustrakaŭsia ź im. Vyhladaje, jak sapraŭdny rynačnik. Adroźnieńni ad raniejšych kiraŭnikoŭ kałasalnyja. Vyražajecca hetaja roźnica chacia b u tym, što
raniej nichto z kiraŭnictva pradpryjemstva nie kantaktavaŭ tak šmat z presaj.
A Žylin daŭ intervju nie tolki respublikanskim ŚMI, ale i rehijanalnym — hrodzienskamu telebačańniu, «Hrodzienskaj praŭdzie». Jon žyvy. Idzie na kantakt. Vysnovy paśla pryznačeńnia novaha kiraŭnika z Rasii takija, što zavod u ciažkim finansavym stanoviščy. Heta svojeasablivy ekśpierymient biełaruskaha kiraŭnictva. Tut razumiejuć, što idzie zbor infarmacyi z rasijskaha boku. Źnieści taki zavod prosta niemahčyma, jak niemahčyma i zvolnić 70 tys. čałaviek. A na samim zavodzie naściarožana spačatku adnieślisia da novaha kiraŭnika.
Adnak Žylin zdabyŭ papularnaść siarod rabočych, bo davaŭ krytyčnuju acenku pracy kiraŭnikoŭ siaredniaha źviana. Ludziam takoje zaŭsiody padabajecca.
Zaraz davoli spakojna ŭsprymajuć novaje kiraŭnictva. Uvohule Žylin adstojvaje svaju pazicyju ŭ tym, što nielha praciahvać karmić inšych. Na hetaj hlebie spačatku ŭźnikali nieparazumieńni. Novy kiraŭnik skaraciŭ vydatki na ŭtrymańnie transpartnaha cechu, dziciačych sadkoŭ, spartovych kamand. Šmat kamu sa starych siarednich kiraŭnikoŭ toje nie spadabałasia».
Kandydatura Ihara Žylina była pradstaŭlena da pryznačeńnia na pasadu ŭładalnikam akcyj pradpryjemstva kancernam «Biełnaftachim». A paśla ŭzhadnieńnia Savietam ministraŭ Respubliki Biełaruś zaćvierdžana na pradpryjemstvie «Hrodna Azot».
* * *
Ihar Žylin naradziŭsia 18 studzienia 1941 h. u horadzie Ardžanikidze (siońnia — Uładzikaŭkaz, Paŭnočnaja Asiecija). U 1965 h. skončyŭ Tomski palitechničny instytut pa śpiecyjalnaści «mašyny i aparaty chimičnych vytvorčaściaŭ», a ŭ 1978 hodzie — Charkaŭski inžynierna ‑ekanamičny instytut.
Ad 1965 hodu pracavaŭ na roznych pasadach na šerahu pradpryjemstvaŭ azotnaj pramysłovaści va Ukrainie, Uźbiekistanie, Rasii i Hruzii. Z 2003 hoda pracavaŭ techničnym kansultantam maskoŭskaj kampanii «SriednieAzHaz», z 2006 hoda ‑‑ pieršym namieśnikam hienieralnaha dyrektara AT «Enerdžy Inviest» u hruzinskim Rustavi.
U 1990 — 1993 hadach Ihar Žylin byŭ deputatam Viarchoŭnaha Savieta Rasijskaj Fiederacyi, namieśnikam staršyni Kamiteta VS RF pa pytańniach ekanamičnaj reformy i ułasnaści, akurat u čas čubajsaŭskaj pryvatyzacyi.
Kamientary