Viadomy časopis «Forbes» skłaŭ rejtynh samych upłyvovych ludziej śvietu. U artykule, jaki supravadžaje apublikavany rejtynh, havorycca, što kandydataŭ na ŭklučeńnie ŭ śpis samych upłyvovych ludziej śvietu adbirali pa niekalkich paramietrach.
Najpierš aceńvałasia kolkaść ludziej, na jakich raspaŭsiudžvajecca ŭpłyŭ taho ci inšaha čałavieka. Akramia hetaha, prymaŭsia pad uvahu abjom finansavych srodkaŭ, kantralujemych udzielnikami rejtynhu. Uličvałasia i zdolnaść kandydata akazvać upłyŭ na roznyja śfiery žyćcia.
Stvaralniki rejtynhu brali pad uvahu taksama i toje, jak šyroka ŭdzielnik śpisu vykarystoŭvaje svoj upłyŭ. Prykładam šyrokaha vykarystańnia svajho ŭpłyvu, pa viersii «Forbes», moža słužyć Uładzimir Pucin, jaki «adpraŭlaje aliharchaŭ za kraty, uvodzić vojski ŭ susiednija krainy i čas ad času pierakryvaje pastaŭki hazu ŭ Jeŭropu».
Pieršaja dziesiatka samych upłyvovych ludziej śvietu vyhladaje nastupnym čynam
- 1. Barak Abama — prezydent ZŠA
2. Chu Czińtao — kraŭnik KNR
3. Uładzimir Pucin — premjer‑ministr Rasii
4. Ben Biernankie — kiraŭnik Fiederalnaj reziervnaj sistemy ZŠA
5. Siarhiej Bryn i Łary Pejdž — zasnavalniki karparacyi Google
6. Karłas Chełu — mieksikanski miedyjamahnat
7. Rupiert Merdak — suśvietny miedyjamahnat
8. Majkł Dźjuk — dyrektar sietki supiermarkietaŭ Wall‑Mart
9. Prync Sułtan bin Abduł Aziz Al Saud — karol Saudaŭskaj Aravii
10. Bił Hiejts — zasnavalnik Microsoft
Na pazicyju adstaje ad Biła Hiejtsa Papa rymski Bieniedykt XVI, a adrazu za im raźmiaściŭsia skandalny italjanski premjer i novy siabra kiraŭnika Biełarusi Silvijo Bierłuskoni. U dvaccatku uvajšli dźvie žančyny — Anhieła Mierkiel (15) i Chiłary Klintan (17). Rasijski prezident Miadźviedzieŭ sa svajoj 43‑iaj pazicyjaj značna adstaje ad Pucina. Na punkt vyšej za Miadźviedzieva raźmiaściŭsia navat Ihar Siečyn — namieśnik Pucina, jaki kantraluje naftavyja dachody Kramla. Zamykaje śpis samych upłyvovych ludziej śvietu jašče adzin siabra Biełarusi Uha Čavies. U jaho 67‑aja pazicyja.
Nichto z našych suajčyńnikaŭ pakul u śpis «Forbes» nie tapiŭ.
Kamientary