Pra heta ŭ čaćvier ranicaj u telefonnaj razmovie paviedamiŭ čynoŭnik Ministerstva zamiežnych spraŭ.
Pakul nieviadoma, kolki čałaviek zmohuć pracavać u minskim ofisie. Hetaje pytańnie, pa słovach prezidenta praŭleńnia Jeŭraradyjo Dźmitryja Novikava, vyrašycca ŭ bližejšym časie. Jon adznačyŭ, što buduć prykładacca ŭsie namahańni, kab ofis u Minsku byŭ adkryty jak maha chutčej.
Jeŭraradyjo atrymała kopiju pastanovy Savieta Ministraŭ i paśviedčańnie ab adkryćci ŭ Biełarusi karespandenckaha punkta. Prezident praŭleńnia Jeŭraradyjo Dźmitryj Novikaŭ tak prakamientavaŭ situacyju paśla atrymańnia dakumientaŭ:
«Pakul nieviadoma, kolki čałaviek zmohuć pracavać u karespandenckim punkcie ŭ Minsku. Heta samaje hałoŭnaje pytańnie i zaraz my budziem hetym zajmacca, ad hetaha zaležyć uvohule ŭsia naša stratehija».
Akredytacyja tolki na hod. Što heta mahło b značyć?
Dźmitryj Novikaŭ: «Ja dumaju, što heta mahčymaść nam pakazać, što nas možna abmiežavać. U kožny momant nas možna spynić».
Kali ž budzie adkryty ofis?
Dźmitryj Novikaŭ: «Jak tolki buduć z našaha boku vykananyja ŭsie jurydyčnyja farmalnaści. Heta adkryćcio rachunku, arenda ofisa pad karespandencki punkt, rehistracyja ŭ padatkovaj inśpiekcyi i hetak dalej. Pa zakonie, nakolki ja viedaju, heta dazvalajecca da pałovy hoda rabić. Ale, viadoma ž, my budziem rabić usio mahčymaje bližejšym časam… Ja nie viedaju, moža, miesiac».
Kamientary