12 listapada a 19:00 u Muziei Maksima Bahdanoviča (Minsk, Trajeckaje Pradmieście) adbudziecca prezientacyja 8‑ha numaru časopisa PAMIŽ, pryśviečanaha temie dziacinstva.
U prezientacyi prymuć udzieł Aleś Ancipienka, Valancin Akudovič, Andrej Chadanovič, Vital Ryžkoŭ, Maryjka Martysievič, Viktar i Viera Žybuli, a taksama vypuskniki Biełaruskaha kalehijuma.
Na prezientacyi adbudziecca ŭračystaje ŭručeńnie dypłomaŭ vypusknikam Kalehiuma, a taksama vystupy vykładčykaŭ i vypusknikoŭ Kalehijuma.
Časopis PAMIŽ — heta vypuskny prajekt adździaleńnia Fiłasofii/Litaratury Biełaruskaha kalehijuma. Hetym razam časopis pryśviečany kanceptu dziacinstva. Heta prajaŭlajecca jak na źmiestavym uzroŭni, tak i ŭ vizualnym afarmleńni časopisa. Heta adabjecca i na samoj prezientacyi.
U «dziciačym» numary časopisa možna sustreć vieršy Vitala Ryžkova, Nasty Mancevič, Uładzia Lankieviča, Michała Baranoŭskaha, Hanki Šept, Śviatłany Bohuš, Kiryły Anochina, prozu Paŭła Ancipava, Andreja Pakroŭskaha, Kiryły Duboŭskaha, Ihara Kulikova, Alesi Łapickaj, Ani Michalčuk, Natałki Charytaniuk, fiłasofskija ese Volhi Davydzik, Viktoryi Osipčyk, Hallaša Dzianisava, pierakłady Reja Bredbiery, Jana Bžechvy, Džojs Kerał Oŭts, Alešandry Radryhieša i inš.
U vydańni źmieščany intervju ź biełaruskimi pierakładčykami dziciačaj litaratury Dźmitryjem Płaksam, Maksam Ščuram, Uładzimiram Siŭčykavym, Siarhiejem Smatryčenkam, Vitalom Voranavym, Vieraj Žybul, Siaržam Miadźviedzievym.
Kamientary