USU ŭsio ž taki źbili «Kinžał», pra jaki raniej paviedamlali ŭ ŚMI, kompleksam Patriot. Prynamsi, tak zajaviŭ kamandujučy Pavietranymi siłami Ukrainy hienierał-lejtenant Mikałaj Alaščuk.
«Vinšuju ŭkrainski narod z histaryčnaj padziejaj! Tak, my źbili «Kinžał», jaki «nie maje anałahaŭ»! Adbyłosia heta padčas načnoj ataki 4 maja ŭ niebie Kijeŭščyny. Rakietu Ch-47 zapuściŭ MiH-31K z terytoryi Rasii», — skazaŭ jon.
Kamandujučy padkreśliŭ, što nie treba zahadzia raspaŭsiudžvać infarmacyju, jakoj moža skarystacca vorah.
«I jašče adno, nie treba, jak kažuć va Ukrainie, biehčy napieradzie baćki ŭ piekła… My abaviazkova paviedamim, što, dzie, čym i kali źbili! Usiamu svoj čas», — dadaŭ Alaščuk.
Nahadajem, učora partał Defence Express sa spasyłkaj na Kijeŭskuju haradskuju vajennuju administracyju paviedamiŭ ab źbićci «Kinžała», paśla čaho ŭ Pavietranych siłach Ukrainy admovilisia kamientavać heta, zaklikaŭšy źviartacca da vydańnia i KHVA pa infarmacyju.
Ciapier čytajuć
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža30
Kamientary