Kałabarant Salda zahavaryŭ pa-ŭkrainsku i zaklikaŭ «zabyć usio, što było». Ale heta nie toje, pra što vy padumali
Kiraŭnik akupavanaj častki Chiersonskaj vobłaści Uładzimir Salda niečakana źviarnuŭsia da ŭkrainskich vajskoŭcaŭ na ŭkrainskaj movie i paprasiŭ zabyć usie sprečki.
«Asabista chaču źviarnucca da ŭkrainskich voinaŭ. Chłopcy… My nie vorahi. Zrazumiejcie, my pieravažna rodnyja ludzi. I byŭ čas, kali my, moža, i spračalisia, a, moža, i nie spračalisia, ale ŭ nas jość usio dla taho, kab zabyć sprečki. … Davajcie zabudziemsia pra ŭsio, što było. Davajcie abjadnajemsia i raźvierniemsia ŭ inšy bok i zrobim usio, kab zaviaršyć vajnu. I my znoŭ žyli družna razam», — zajaviŭ kałabarant.
Salda nazyvaje «samym vialikim ździekam» toje, što va Ukrainie adbyłasia dekamunizacyja. Taksama ŭ zvarocie jon paŭtaryŭ prapahandysckija štampy pra źniščeńnie savieckich pomnikaŭ i pra toje, što za Ukrainaj staić Amieryka.
Ukrainskija ŚMI zaŭvažajuć, što siońnia było pryniataje rašeńnie, kanfiskavać častku aktyvaŭ Salda va Ukrainie. Raniej u kałabaranta znajšli kampaniju, źviazanuju sa zbožžam, jakuju jon zarehistravaŭ u Vialikabrytanii.
«Heta pytańnie času, ale treba saśpieć». Pucin zahavaryŭ pra adziny parłamient i valutu Biełarusi i Rasii7
«Heta pytańnie času, ale treba saśpieć». Pucin zahavaryŭ pra adziny parłamient i valutu Biełarusi i Rasii
Biełaruskija biznesmieny śpiešna pradajuć doli ŭ svaich polskich transpartnych kampanijach. Što adbyvajecca?2
Kamientary