«Vy daŭb**by». Vajenkar narakaje, što bieśpiłotnik u Varoniežskaj vobłaści trapiŭ u vajskoŭcaŭ padčas pastrajeńnia
Vajskovy palihon Pahonava ŭ Varoniežskaj vobłaści siońnia rankam atakavała dva BPŁA. Było paraniena bolš za dziesiać vajskoŭcaŭ — dakładnaja ličba nieviadomaja.
Jak vynikaje z paviedamleńnia hubiernatara vobłaści Alaksandra Husieva, drony byli źbityja rasijanami, ale tak, što ich askiepki palacieli ŭ vajskoŭcaŭ.
Vajenkar Fighterbomber aburajecca, što takaja kolkaść paciarpiełych atrymałasia praź bieskłapotnaść rasijskich armiejskich načalnikaŭ.
«Da siońnia bieśpiłotniki ŭ Varoniežskaj vobłaści lacieli pa aeradromach. Ich sistematyčna źbivajuć, i, pa sutnaści, adzinyja paŭdniovyja aeradromy, dzie paśpiachova abaraniajucca ad napadaŭ bieśpiłotnikaŭ i inšych minamiotaŭ, heta aeradromy, raźmieščanyja ŭ Varoniežskaj vobłaści. Siońnia palacieła nie ŭ aeradromy. Adzin z dvuch bieśpiłotnikaŭ adchiliŭsia ad kursu, i bolš za dziasiatak vajskoŭcaŭ atrymali ranieńni».
Vajenkar piša, što nakapać sabie blindažoŭ za hety čas možna było lohka, «a kali ich nakapać nie ŭ čystym poli, a ŭ lesie, to takich vialikich strat nie było b dakładna, kali b jany naohuł byli».
Akramia taho, vajenkar sarkastyčna namiakaje, što ranieńni adbylisia padčas pastrajeńnia.
«Kali vy pravodzicie pastrajeńnie ŭsiaho asabovaha składu zaŭsiody ŭ adzin i toj ža čas u adnym i tym ža miescy, a jašče lepš — niekalki razoŭ na dzień, to vy pavinny razumieć, što heta nie vorahi drennyja, što vas zabili, heta vy daŭb**by, tamu što zrabili ŭsio mahčymaje, kab jany vas zabili».
Čytajcie taksama:
Dva bieśpiłotniki atakavali vajskovy palihon u Varoniežskaj vobłaści Rasii
Nieviadomyja sprabavali spalić Su-24 na avijazavodzie ŭ Novasibirsku
Pakul u Maskvie prachodzić parad Pieramohi, Pryhožyn skardzicca, što bojeprypasy jamu tak i nie dali
Ciapier čytajuć
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža30
Kamientary