U vodanapornaj viežy ŭ Ściapiancy mohuć źjavicca kaviarnia i kavorkinh
U minskaj Ściapiancy płanujuć pabudavać piać žyłych šmatpaviarchovikaŭ i rekanstrujavać niadziejnuju vodanapornuju viežu. Dla hetaha haradskija ŭłady źniasuć składy i inšyja haspadarčyja pamiaškańni, piša ahienctva «Minsk-Naviny».
![](http://nnexpictures.fra1.digitaloceanspaces.com/img/w732d4webp1/photos/z_2023_05/geolog-karvata-3png-op8f1.jpg.webp)
Zhodna z prajektam ad haradskich prajekciroŭščykaŭ, novaja zabudova źjavicca pamiž vulicaj Hieałahičnaj, škołami №182 i №183, dziciačym sadam №569 i parkam. Dla hetaha tut źniasuć składy i inšyja haspadarčyja pamiaškańni.
Na vyzvalenym učastku chočuć prakłaści novuju vulicu, uźvieści piać žyłych damoŭ vyšynioj ad 10 da 19 pavierchaŭ, try dvuchuzroŭnievyja haražy-stajanki, uładkavać dvary ź dziciačymi i spartyŭnymi placoŭkami, a taksama vysadzić jak maha bolš dreŭ.
![](http://nnexpictures.fra1.digitaloceanspaces.com/img/w732d4webp1/photos/z_2023_05/geologicheskaya-karvata-1png-uz1ub.webp.webp)
U kancepcyju ad «Minskprajekta» taksama zakładzienaja mahčymaść zachavańnia nieekspłuatavanaj na hety momant vodanapornaj viežy (vuł. Karvata, 5) i jaje dalejšaja rekanstrukcyja.
Prajekciroŭščyki ličać, što ŭ viežy možna zrabić vokny, zašklonaje kupalnaje pierakryćcie (śvietłavy lichtar) i arhanizavać tam mini-kaviarniu dy zonu kavorkinhu z mabilnymi pradmietami mebli. Leśvicy, lifty, prybiralni možna praduhledzieć jak u samoj viežy, tak i ŭ prybudavanych dadatkovych pamiaškańniach.
Praŭda, inviestara, jaki byŭ by achvotny ŭziacca za takuju rekanstrukcyju, pakul što nie znajšłosia.
Kamientary