Za try dni da vybaraŭ u Turcyi Erdahan sastupaje hałoŭnamu apanientu — apytańnie
Prezident Turcyi Redžep Taip Erdahan adstaje ad svajho hałoŭnaha sapiernika Kiemala Kyłyčdarohłu bolš čym na piać pracentnych punktaŭ napiaredadni prezidenckich vybaraŭ, jakija adbuducca ŭ niadzielu.
Pra heta śviedčyć apytańnie, praviedzienaje ŭ čaćvier kampanijaj Konda, piša «Jeŭrapiejskaja praŭda» sa spasyłkaj na ahienctva Reuters.
Pavodle apytańnia, Erdahana padtrymlivajuć 43,7% vybarcaŭ, a lidar Respublikanskaj narodnaj partyi Kiemal Kyłyčdarohłu — 49,3%. Takaja situacyja aznačaje, što pieramožcu vyznačyć druhi tur, jaki pavinien adbycca 28 maja.
Atrymanyja sacyjałahičnyja danyja ŭzmacnili ŭražańnie, što Erdahan sutyknuŭsia z samym surjoznym vyklikam za ŭvieś čas svajho dvaccacihadovaha praŭleńnia.
Hetyja źviestki ŭ asnoŭnym supali z vynikami niekatorych inšych apytańniaŭ, u jakich Kyłyčdarohłu, kandydat ad hałoŭnaha apazicyjnaha aljansu, apiaredžvaŭ Erdahana.
Pa danych apytańnia, praviedzienaha 6-7 maja, jašče adzin kandydat Sinan Ahan atrymaŭ padtrymku 4,8% vybarščykaŭ, a Mucharem Inče — 2,2% (siońnia Inče źniaŭsia z vybaraŭ —NN). Konda śćviardžaje, što bolšaść apytanych imi vybarščykaŭ schilajucca da hałasavańnia za Kyłyčdarohłu, lidara asnoŭnaj apazicyjnaj Respublikanskaj narodnaj partyi.
Vybary adbuducca praz try miesiacy paśla razburalnaha ziemlatrusu, u vyniku jakoha ŭ Turcyi zahinuła bolš za 50 tysiač čałaviek i miljony zastalisia biez prytułku.
Čytać taksama:
Erdahan zajaviŭ, što ŭ Turcyi znajšli vialikija zapasy vysakajakasnaj nafty
Erdahan zajaŭlaje, što tureckaja raźviedka zabiła lidara «Isłamskaj dziaržavy» u Siryi
Ciapier čytajuć
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža30
Kamientary