Rasijskaha akciora Artura Smaljaninava ŭklučyli ŭ śpis terarystaŭ i ekstremistaŭ
Akciora Artura Smaljaninava (Miniust Rasii raniej pryznaŭ jaho zamiežnym ahientam) uklučyli ŭ pieralik terarystaŭ i ekstremistaŭ Raśfinmanitorynha.
Na pačatku hoda staršynia Śledčaha kamiteta RF Alaksandr Bastrykin daručyŭ raspačać kryminalnuju spravu ŭ dačynieńni da akciora Artura Smaljaninava.
«U intervju adnamu z zachodnich vydańniaŭ Smaljaninaŭ zrabiŭ šerah zajaŭ, nakiravanych suprać Rasii», — kazaŭ Bastrykin.
Smaljaninaŭ — viadomy rasijski akcior, papularnaść jamu pryniesła rola Lutaha ŭ filmie «9-ja rota» (2005 hod) Fiodara Bandarčuka. Jon pakinuŭ Rasiju i vystupiŭ suprać uvarvańnia va Ukrainu.
Smaljaninaŭ u studzieni ŭ intervju «Novoj hazietie Jeŭropa» zajaviŭ, što kali b udzielničaŭ u vajnie, to na baku Ukrainy. Na pytańnie žurnalista, ci nie vyklučaje mahčymaści «pajści vajavać za Ukrainu», akcior dasłoŭna adkazaŭ tak: «Biezumoŭna, viadoma. Jašče raz, emacyjna heta mienavita tak dla mianie. Tolki tak. Kali b ja i pajšoŭ na hetuju vajnu, to mienavita na baku Ukrainy». Akramia taho, u videaintervju jon vymaviŭ takija słovy: «Mnie, ščyra kažučy, naplavać, u jakoj formie zastaniecca Rasija. Razvalicca jana, nie razvalicca…»
Intervju vyklikała rezanans. Rasijskija palityki patrabavali pakarać Smaljaninava.
Ciapier čytajuć
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža30
Kamientary