«Nie mahu zrazumieć, za što nas pakarali. Nijakich hulniaŭ my nie zdavali» — hałoŭny trenier «Biełšyny»
Hałoŭny trenier babrujskaj «Biełšyny» Albiert Rybak prakamientavaŭ dla BYsport rašeńnie Biełaruskaj fiederacyi futboła pa «spravie ab damoŭnych matčach. U «Biełšyny» zabrali 10 bałaŭ u čempijanacie 2023 hoda i 5 bałaŭ u nastupnym siezonie. Kłub taksama pakarali štrafam u 74 tysiačy rubloŭ.
«Nie mahu zrazumieć, za što nas pakarali. Surjozna vam kažu. My nijakich hulniaŭ nie zdavali. Kali Homza (Dźmitryj Homza — były hulec «Biełšyny» abvieščany piersonaj non-hrata ŭ biełaruskim futbole i pakarany štrafam 37 tysiač rubloŭ. — NN) i byŭ datyčny da niejkaha damoŭnaha matča, to ŭsie astatnija futbalisty hulali sumlenna. Treniery rabili svaju pracu. Nijakich padvochaŭ. Ź minskim «Dynama» my taksama sumlenna hulali», — kaža Albiert Rybak.
«Čamu tak karajuć hulcoŭ? Jak chłopcy addaduć hetyja hrošy? Davajcie budziem sumlennyja, padydziem da pytańnia pa-mužčynsku. Jany i tak za kapiejki hulajuć. Prykład: bramnik zhulaŭ z «Dynama» «na nul» — a jaho pakarali. Vy ličycie: heta pravilna? Nie viedaju, čamu takija štrafy», — dadaŭ trenier.
Jon kaža, što schodu ŭ kłubie nakont hetaj situacyi pakul nie było.
«Ciapier voś hulcy ŭbačyli [naviny] i nie zrazumieli. Niekatoryja navat nie viedajuć, što skazać. Ni ŭ kaho niama tłumačeńniaŭ. Kali b byli vinavatyja — kali łaska. Ale hulni my nie zdavali. Da matča z «Šachcioram» rychtavalisia jak zvyčajna», — dadaŭ Rybak.
Ciapier čytajuć
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža30
Kamientary
zaviety karajeva - karať, karať i jeŝie raz karať