Uviečary 11 maja pastupiła paviedamleńnie, što ŭ ahraharadku Viejna ŭ Mahiloŭskim rajonie ŭ haražy, jaki budujecca, znajšli cieła mužčyny biez prykmiet žyćcia. Pobač ź ciełam znachodziŭsia latalny aparat-deltapłan, paviedamlaje Śledčy kamitet.
Pavodle papiarednich źviestak, mužčyna niekalki hadoŭ tamu nabyŭ deltapłan i ŭžo nieadnarazova padymaŭsia na im u pavietra. Ale z časam jon vyrašyŭ jaho ŭdaskanalić, dla hetaha nabyvaŭ zapčastki i dapracoŭvaŭ latalnuju techniku.
«Z prychodam ciapła 29-hadovy vynachodnik staŭ rychtavać deltapłan da ekspłuatacyi. U hety nieščaślivy dzień čaćviarha, znachodziačysia ŭ haražy i praviarajučy pracoŭny stan techniki, jon paciahnuŭ za ryčah i zapuściŭ ruchavik. Łopaści, jakija znachodzilisia ŭ składzienym haryzantalnym stanie, pačali krucicca i pryčynili mužčynu cialesnyja paškodžańni, nie sumiaščalnyja z žyćciom», — raskazali ŭ SK.
Kaho z palitviaźniaŭ mohuć vypuścić paśla anonsu Łukašenki?3
Kaho z palitviaźniaŭ mohuć vypuścić paśla anonsu Łukašenki?
«Kadebist u čornych skuranych palčatkach zadavaŭ pytańni, i kali ja nie adkazvała, pačynaŭ mianie dušyć»11
Kamientary