Adznačajecca kožnuju treciuju niadzielu listapada pa rašeńni Hienieralnaj Asamblei AAN ad 2005 hoda.
Adznačajecca kožnuju treciuju niadzielu listapada pa rašeńni Hienieralnaj Asamblei AAN ad 2005 hoda.
Pa dadzienych Suśvietnaj arhanizacyi achovy zdaroŭja (SAAZ) , štohod u vyniku darožna-transpartnych zdareńniaŭ hinie kala 1,3 miljona čałaviek i jašče 50 miljonaŭ čałaviek atrymlivajuć traŭmy i robiacca invalidami. Darožna-transpartnyja zdareńni źjaŭlajucca asnoŭnaj pryčynaj śmierci maładych ludziej va ŭzroście ad 10 da 24 hadoŭ.
Suśvietny dzień pamiaci achviar darožna-transpartnych zdareńniaŭ byŭ zasnavany dla taho, kab ušanavać pamiać achviaraŭ i vykazać spačuvańnie ich svajakam.
SAAZ i Supracoŭnictva ŭ ramkach AAN u halinie biaśpieki darožnaha ruchu zaklikajuć ŭrady i niaŭradavyja arhanizacyi va ŭsim śviecie adznačać hety dzień z metaj pryciahnieńnia ŭvahi hramadskaści da DTZ, ich nastupstvaŭ i źviazanych ź imi vydatkami, a taksama da mieraŭ, jakija možna pryniać dla ich papiaredžańnia.
Jak vyśvietliła infarmahienctva «Interfaks», DAI Minska i Minskaj vobłaści nie płanuje z hetaj nahody nijakich mierapryjemstvaŭ, a voś viciebskija darožnyja inśpiektary praviaduć u niadzielu šerah mierapryjemstvaŭ. Mahčyma, da ich dałučacca kalehi ź inšych rehijonaŭ i stalicy.
Za 9 miesiacaŭ 2009 hoda pa vinie kiroŭcaŭ adbyłasia 3686 DTZ, u jakich 665 čałaviek zahinuła i 4249 atrymali ranieńni, paviedamlaje pres-słužba DAI MUS. Pa vinie niećviarozych kiroŭcaŭ učyniena 685 DTZ. 443 DTZ adbyłosia pa pryčynie parušeńniaŭ praviłaŭ prajezdu piešachodnaha pierachodu i 45 DTZ pry parušeńni vadzicielami praviłaŭ prajezdu zon prypynkaŭ hramadskich transpartnych srodkaŭ. Asablivuju tryvohu vyklikaje toj fakt, što DTZ ŭsio čaściej adbyvajucca na piešachodnych pierachodach, a ich achviarami stanoviacca dzieci. Varta adznačyć i takuju asablivaść: u šerahu vypadkaŭ vinavatyja ŭ DTZ sprabavali schavacca ź miesca zdareńnia, pakidajučy paciarpiełaha ŭ biezdapamožnym stanie. Za hety ž pieryjad pa vinie piešachodaŭ ŭčyniena 684 DTZ, u jakich 178 čałaviek zahinuła i 520 atrymali ranieńni. Pa vinie niećviarozych piešachodaŭ ździejśniena 213 DTZ.
Ciapier čytajuć
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1616
Kamientary