Sychod ciahnika z rejek u Krymie moh parušyć dastaŭku ŭzbrajeńniaŭ Čarnamorskamu fłotu — brytanskaja raźviedka
Ciahnik, jaki syšoŭ z rejek u anieksavanym Krymie ŭ čaćvier, zabłakavaŭ adzinuju čyhunačnuju liniju, jakaja viadzie ŭ port Sievastopala, bazu rasijskaha Čarnamorskaha fłotu, źviartaje ŭvahu ŭ svajoj štodzionnaj zvodcy brytanskaja raźviedka.
Pra sychod ciahnikoŭ sa zbožžam u Krymie ŭčora zajaviŭ kiraŭnik anieksavanaha Rasijaj rehijona Siarhiej Aksionaŭ. U pres-słužbie Krymskaj čyhunki skazali, što incydent adbyŭsia «praz umiašańnie starońnich asob». Telehram-kanały pisali, što ciahnik syšoŭ z rejek u vyniku vybuchu.
Rasijski bok chutka adramantuje hety ŭčastak čyhunki, ale incydent pieraškodzić dastaŭcy hruzaŭ i, mahčyma, takich uzbrajeńniaŭ, jak kryłatyja rakiety «Kalibr», dla Čarnamorskaha fłotu Rasii, piša raźviedka.
«Luby sabataž u hetym adčuvalnym rehijonie jašče bolš uzmocnić aściarohi Kramla z nahody svajoj zdolnaści harantavać biaśpieku infrastruktury ŭ Krymie. Paŭvostraŭ pa-raniejšamu maje važnaje psichałahičnaje i materyjalna-techničnaje značeńnie ŭ absłuhoŭvańni vajny Rasii va Ukrainie», — adznačajuć aŭtary zvodki.
USU rajać žycharam Biełharadskaj vobłaści vyviešvać žoŭta-błakitnyja ściahi ci pisać BNR, kab paźbiehnuć atak dronaŭ2
Kamientary