Schod z rejek 12 hruzavych vahonaŭ adbyŭsia na pierahonie Kuenha — Pryiskavaja dvuchšlachovaha ŭčastka Zabajkalskaj čyhunki, paviedamlaje pres-słužba HU MNS Zabajkalla. Praz avaryju zatrymlivajecca ciahnik Uładzivastok—Maskva.
«Unačy 21 maja na pierahonie Kuenha-Pryiskavaja dvuchšlachovaha ŭčastka Zabajkalskaj čyhunki adbyŭsia schod, pavodle papiaredniaj infarmacyi, 12 vahonaŭ hruzavoha ciahnika. Paciarpiełych niama, pahrozy ekałohii niama. U vyniku zdareńnia parušany habaryt susiedniaha šlachu. Ruch ciahnikoŭ pa pierahonie časova prypynieny», — havorycca ŭ paviedamleńni.
Namieśnik staršyni ŭrada Zabajkalla Alaksiej Siarhiejkin śćviardžaje, što z rejek syšli 13 vahonaŭ, 8 pierakuliłasia.
Ci stała pryčynaj zdareńnia dyviersija, nie paviedamlajucca.
Na terytoryi Rasii, a taksama ŭ anieksavanym joj Krymie, rezka vyrasła kolkaść dyviersij. Z 1 studzienia da 12 maja adbylisia jak minimum 57 sprob dyviersij na čyhunačnych šlachach, abjektach Minabarony i enierhietyčnych abjektach. Amal 25% ź ich adbylisia tolki za 13 majskich dzion, padličyła vydańnie «Viorstka».
1 i 2 maja ŭ Branskaj vobłaści adbylisia dva padryvy čyhunačnych šlachoŭ, z rejek syšli dva hruzavyja sastavy, adzin ź ich — biełaruski.
18 maja na čyhuncy ŭ Simfieropalskim rajonie akupavanaha Kryma adbyŭsia vybuch. Sa šlachoŭ syšli piać vahonaŭ sa zbožžam.
Nivodnaha minskaha, homielskaha, italjanskaha ci francuzskaha. Zatoje ŭ Mahilovie budujuć užo čaćviorty rasijski dvoryk, hetym razam — ź miadźviedziem1313
Kamientary