Rasija abaronić bratniuju Biełaruś — Kreml na zajavy polskaha hienierała
U Rasii jość abaviazacielstvy pa harantavańni biaśpieki bratniaj Biełarusi, i kali vidavočnyja pahrozy ŭźniknuć, mienavita heta i budzie rabić Maskva, zajaviŭ pres-sakratar prezidenta RF.
Takim čynam jon prakamientavaŭ słovy eks-namieśnika ministra nacyjanalnaj abarony Polščy hienierała Valdemara Skšypčaka pra toje, što Polšča maje padtrymać «vojski, jakija buduć vieści apieracyju suprać Łukašenki».
«Naturalna, Rasijskaja Fiederacyja maje abaviazacielstvy pa harantavańni biaśpieki Biełarusi, što my i budziem rabić pierad abliččam takoj vidavočnaj pahrozy», — cytuje słovy Piaskova «Sputnik».
Pry hetym pres-sakratar rasijskaha lidara adznačyŭ, što Maskva rasceńvaje Polšču jak varožuju dziaržavu, kiraŭnictva jakoj «litaralna zachodzicca ŭ isterykach rusafobii».
«I my bačym, što heta voś varožaja nam dziaržava faktyčna adkryta kaža pra svoj namier umiešvacca niepasredna, u tym liku siłavymi mietadami, va ŭnutranyja spravy susiedniaj dziaržavy. A heta susiedniaja dziaržava źjaŭlajecca našym partnioram, sajuźnikam i bratniaj nam dziaržavaj», — skazaŭ Dźmitryj Piaskoŭ.
Siońnia były namieśnik ministra abarony hienierał Valdemar Skšypčak u efiry telekanała Polsat zajaviŭ, što Polšča maje padtrymać «vojski, jakija buduć vieści apieracyju suprać Łukašenki».
«Davajcie rychtavacca da paŭstańnia ŭ Biełarusi, bo jano adbudziecca», — zajaviŭ hienierał Valdemar Skšypčak.
Chto taja biełaruska, jakuju ekstradavali ŭ ZŠA dla suda za kantrabandu detalaŭ dla samalotaŭ8
Chto taja biełaruska, jakuju ekstradavali ŭ ZŠA dla suda za kantrabandu detalaŭ dla samalotaŭ
«Kab Biełaruś nie addali Pucinu ŭ jakaści suciašalnaha pryza». Cichanoŭskaja zaklikaje ŭklučyć biełaruskaje pytańnie ŭ mirnyja pieramovy Ukrainy i Rasii3434
Kamientary
My, pieravažnaja bolšaść biełarusaŭ, usie adno pieramožam, što u nastupnaj chvale revalucyi, što ŭ vajnie za niezaležnaść.
Biełaruś budzie žyci!
A kreml - niachaj sprabuja zalakać