Jaŭhien Hryńkoŭ i žonka Nastaśsia. Fota: sacsietki
33-hadovy minčuk Jaŭhien Hryńkoŭ byŭ fanatam futbolnaj kamandy «MTZ-RIPO», viadomaj antyfašysckimi pohladami fanataŭ. Siłaviki pišuć, što pryjšli da jaho «padčas adpracoŭki asob, jakija raniej znachodzilisia ŭ radykalnych kalafutbolnych hrupoŭkach».
Siłaviki pišuć, što zatrymali i žonku Jaŭhiena — 34-hadovuju Nastaśsiu Karniejevu. Maładaja siamja žyła ŭ Minsku. U žančyny dvoje niepaŭnaletnich dziaciej.
U videa taksama pakazvajecca jaho cieść. Viadoma, što ŭsich traich užo pryciahvali pa artykule 23.34 za ŭdzieł u akcyjach pratestu.
Jak vynikaje ź videa, siamju zatrymali za ŭdzieł u akcyjach pratestu i vychadzie na prajeznuju častku padčas maršaŭ. Miarkujučy pa fota, razmova moža iści pra ŭdzieł u vialikim maršy 16 žniŭnia 2020 hoda.
Kali adbyłosia zatrymańnie, nieviadoma. Miarkujučy pa paviedamleńni siłavikoŭ, moža być zaviedziena kryminalnaja sprava.
