Tak, Siarhieja Rykuna Zinaida Bałabołava pryznała vinavatym pavodle art. 19.11 KaAP (raspaŭsiud ekstremisckich materyjałaŭ) i aryštavała na 13 sutak.
Jana ž pryznačyła Palinie Putro štraf pamieram 740 rubloŭ (20 bazavych vieličyniaŭ), a spravavoda dekanata Kaciarynu Švaluha aštrafavała na 1 110 rubloŭ (30 bazavych vieličyniaŭ).
Ksieniju Zujevu aštrafavali na 2 220 rubloŭ (60 bazavych vieličyniaŭ) za «pikiet».
Aleha Krajko asudzili adrazu pavodle dvuch artykułaŭ — 24.23 KaAP (niesankcyjanavanaje pikietavańnie) i 19.11 (raspaŭsiud ekstremisckich materyjałaŭ). Sudździa aryštavała jaho na 26 sutak.
73-hadovuju kandydatku techničnych navuk i dacentku kafiedry hieadezii i hieainfarmacyjnych sistem Halinu Šarahłazavu sudździa Bałabołava adpraviła za kraty na 10 sutak. Padrabiaznaści spravy nieviadomyja.
Učora stała viadoma pra zatrymańni supracoŭnikaŭ Połackaha dziaržaŭnaha ŭniviersiteta. Navapołackuju vykładčycu Alenu Chramcovu aryštavali na 10 sutak.
