Alaksandr Łukašenka adkazaŭ na słovy eks-namieśnika ministra nacyjanalnaj abarony Polščy hienierała Valdemara Skšypčaka. Skrynšot ź videa
Łukašenka skazaŭ, što jon i sam raniej kazaŭ, što «jany» rychtujucca da «paŭstańnia ci revalucyi» ŭ Biełarusi. Ën nie patłumačyŭ, kaho jon razumieje pad słovam «jany».
«My heta viedajem daŭno, my adsočvajem hetych chłopcaŭ, jakich hety chvory hienierał… što tam stvarajucca charuhvy, cełyja pałki tam, bataljony, jany heta tak nazyvajuć… My viedajem, dzie jany znachodziacca, i pajmienna viedajem usich. Chaj prychodziać, my hatovyja», — skazaŭ Łukašenka ŭ Maskvie kanału «Rasija».
Učora źjaviłasia rezanansnaje intervju byłoha namieśnika ministra abarony hienierała Valdemara Skšypčaka telekanału Polsat.
«Treba być hatovymi padtrymać vojski, jakija buduć vieści apieracyju suprać Łukašenki», — skazaŭ jon.
«Davajcie rychtavacca da paŭstańnia ŭ Biełarusi, bo jano adbudziecca. Havorka pra toje, kab my nie praspali hety momant», — dadaŭ jon.
«Rasija abaronić bratniuju Biełaruś», — tak na zajavy polskaha hienierała adreahavali ŭ Kramli.
«Naturalna, Rasijskaja Fiederacyja maje abaviazacielstvy pa harantavańni biaśpieki Biełarusi, što my i budziem rabić pierad abliččam takoj vidavočnaj pahrozy», — skazaŭ pres-sakratar Kramla Dźmitryj Piaskoŭ.
