Junaka, asudžanaha za žadańnie dapamahčy Ukrainie, buduć sudzić pa novym artykule
Chłopiec miesiac pravioŭ u pamiaškańni kamiernaha typu.
Studenta, jakoha asudzili za žadańnie dapamahać Ukrainie, buduć sudzić za «złosnaje niepadparadkavańnie administracyi kałonii», piša «Viasna».
Andrej Masłaŭ — student 1-ha kursa, jakoha ŭ žniŭni 2022 hoda asudzili da 2,5 hoda kałonii za «padrychtoŭku da ŭdziełu va ŭzbrojenym kanflikcie na terytoryi inšaj krainy» (č. 1 art. 13 i č. 1 art. 361-3 KK). Na sudzie chłopiec raskazaŭ, što «chacieŭ dapamahać Ukrainie», pryjarytet — vałanciorskaja i humanitarnaja dapamoha.
Adbyvać pakarańnie Andreja nakiravali ŭ babrujskuju kałoniju №2. U kancy lutaha 19-hadovaha palitviaźnia źmiaścili na miesiac u PKT.
U Babrujsku 6 červienia nad chłopcam raspačniecca sud pavodle č. 1 art. 411 KK za «złosnaje niepadparadkavańnie patrabavańniam administracyi papraŭčaj ustanovy». Spravu budzie razhladać sudździa Ina Kruhol. Pry hetym u sakaviku anarchist Jaŭhien Rubaška pisaŭ na volu, što Andreju adrazu paśla prybyćcia ŭ kałoniju skazali, što «buduć krucić pa art. 411 KK».
Padtrymajcie palitviaźnia: PK № 2, 213800, Babrujsk, Sikorskaha, 1, Andrej Alehavič Masłaŭ.
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim12
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3333
Kamientary