MTS zapuściŭ u testavym režymie pasłuhu «Siamja pad nahladam», z dapamohaj jakoj možna atrymać infarmacyju, dzie kankretna znachodzicca peŭny abanient.
Siońnia apieratar mabilnaj suviazi MTS zapuściŭ u testavym režymie novyja pasłuhi — «Siamja pad nahladam» i «Mabilnyja supracoŭniki».Dźvie prapanovy amal adnolkavaha kštałtu vyklikali chvalu abureńnia.
Pasłuhi dazvalajuć vyznačyć miescaznachodžańnie karystalnika telefonam pa bližejšych bazavych stancyjach.«Siamja pad nahladam» pavinna dapamahać baćkam, jakija chvalujucca pra svaich dziaciej, atrymlivać infarmacyju, dzie tyja znachodziacca. Zrešty, i
raŭnivyja žonki zmohuć pravieryć, ci sapraŭdy muž adpraviŭsia na načnuju rybałku.«Mabilnyja supracoŭniki» — toje ž samaje, ale dla kiraŭnikoŭ kampanij, jakija adsočvajuć, dzie znachodziacca ich padnačalenyja.
Testavaja biaspłatnaja ekspłuatacyja «Siamji» praciahniecca miesiac, a «Supracoŭnikaŭ» — dva miesiacy.
Hałoŭnaja pretenzija ludziej da apieratara — u lohkaści padklučeńnia pasłuhi. Kali čałaviek aktyvizuje sabie pasłuhu i atrymaje asabisty kod siamji, jamu budzie dastatkova paprasić litaralna na chvilinu telefon svajoj «achviary», kab dasłać sms-paviedamleńnie, jakoje pavinna składacca ź niekalkich simvałaŭ. Usio! Nijakich piśmovych zajavaŭ i dazvołaŭ. Dastatkova adnaho paviedamleńnia.
Niepradumanaść pracedury padklučeńnia moža vystavić asabistaje žyćcio abanientaŭ na ahlad niedabrazyčliŭcam.
Jak pracuje sistema?
Na žal, pasłuhaj pasprabavała skarystacca tak šmat achvotnikaŭ, što abstalavańnie MTS nie vytrymała nahruzak.Kab padklučyć jaje, prychodzicca čakać niekalki hadzin. Paśla ž pačynajuć chaatyčna prychodzić adnolkavyja sms-paviedamleńni. Na zapyt kštałtu «Dzie Saša?» prychodzić adkaz «Riebienok SAŠA nachoditsia na pieriesiečienii pr. Niezavisimosti i uł. Vołhohradskoj». Pamyłka ŭ adlehłaści pakul što składaje 300–400 mietraŭ. Kali sistema budzie naładžana, miescaznachodžańnie čałavieka ŭ stalicy, dzie znachodzicca šmat bazavych stancyj MTS, možna budzie vyznačyć z dakładnaściu niekalki dziesiatkaŭ mietraŭ.
U Rasii, dzie padobnuju pasłuhu MTS užo zapuściŭ, abanient atrymaje śpiecyjalnaje sms-paviedamleńnie z prapanovaj, ci zhodny jon kab peŭny čałaviek moh adsačyć jaho miescaznachodžańnie. Kali jon zhadžajecca, pasłuha aktyvizujecca.
Košt zapytu ŭ Rasii składaje 10 rasijskich rubloŭ (heta kala 950 biełaruskich rubloŭ).
Ciapier čytajuć
«Jany čamuści dumajuć, što ich zaraz zhvałciać». Prapahanda kinułasia tušyć abureńnie biełarusaŭ 150 tysiačami pakistancaŭ23
Kamientary