Biarozaŭski hurt :B:N: adznačyć dzień narodzinaŭ 20 listapada ŭ mienskim R-club (vuł. Surhanava, 26). Pačatak a 18.00.
Biarozaŭski hurt :B:N: adznačyć svoj dzień narodzinaŭ 20 listapada ŭ mienskim R-club vialikim siabroŭskim kancertam. Muzyki rychtujuć prychilnikam svajoj tvorčaści padarunki. «Pieradusim heta novyja pieśni, jakija my prezientujem na kancercie», — paviedamiŭ lider hurta Aleś Lutyč.
Voś užo 10 hod «bieznazoŭnyja» radujuć fanataŭ pieśniami, supolnymi muzyčnymi prajektami, klipami. Za hety čas jany ŭdzielničali ŭ šmatlikich festyvalach u Biełarusi i ŭ Polščy, stali chedłajnerami i hanarovymi haściami «Basovišča» i Be Free, zapisali kaviery na pieśni hurtoŭ Neuro Dubel, N.R.M., źniali šerah klipaŭ (dva ź jakich — «Kaniušnia» i «Daždžami» — pieramahali na premii «Klip-marafon»).
Muzyki nie spyniajucca na dasiahnutym i zaraz aktyŭna rychtujuć materyjał dla zapisu novaha alboma, pieśni ź jakoha buduć prezientavanyja na jubilejnym kancercie. Pavodle muzykaŭ, padčas paŭtarahadzinnaha solnaha vystupu prychilniki zmohuć pačuć nie tolki novyja pieśni, ale i ŭzhadać staryja chity hurta.
Adśviatkavać dzień narodzinaŭ biarozaŭskaha rok-hurta :B:N: pryjduć staryja siabry — hurty «Kalmary», IQ48, KROK. «Bieznazoŭnyja» praśpiavajuć razam z Alaksandram Kulinkovičam i Aleham Chamienkam. Admysłova na kancert z Turcyi pryjedzie Jaŭhienija «Pčołka» Chiło i vykanaje liryčny chit «Daždžami».
Hurt :B:N: zaprašaje ŭsich na kancert 20 listapada ŭ R-club (vuł. Surhanava, 26). Pačatak a 18.00. Košt kvitkoŭ: ad 15 da 20 tysiač rubloŭ. Daviedki pa t.: (29) 649-08-88.
Ciapier čytajuć
«Jany čamuści dumajuć, što ich zaraz zhvałciać». Prapahanda kinułasia tušyć abureńnie biełarusaŭ 150 tysiačami pakistancaŭ23
Kamientary