Maksim Mirny voźmie ŭdzieł u matčy pieršaha kruha 1-j hrupy Jeŭra-Afrykanskaj zony Kubka Devisa Italija — Biełaruś, jaki projdzie 5—7 sakavika 2010 hoda.
«Paśla US Open ja daŭ zhodu našamu kapitanu [Uładzimiru Vałčkovu]. Mnie pryjemna, što da mianie źviarnulisia. Prykładu ŭsie namahańni, kab być da matču ŭ aptymalnaj formie i prynieści karyść kamandzie», — paviedamiŭ žurnalistam Mirny 17 listapada ŭ Minsku na prezientacyi dakumientalnaha filma «Efiekt Mirnaha».
Pavodle słoŭ tenisista, jon pakul nie viedaje, z kim budzie hulać na turnirach u pary ŭ novym siezonie,
ale heta budzie adzin z hulcoŭ, jakija vystupiać na vynikovych spabornictvach u Łondanie 22—29 listapada. Na hety turnir zaprošany spartsmieny, jakija pakazali najlepšyja vyniki sioleta.
Supracoŭnictva Mirnaha ź izrailcianinam Endzi Ramam paśla zakančeńnia siezona budzie spyniena, bo papraviŭsia jaho partnior Džonatan Erlich. «Ja dumaŭ, što my razydziemsia jašče ŭ sakaviku, ale Erlich praciahvaŭ chvareć, i my pracavali dalej. A ŭ vieraśni, dajšoŭšy da paŭfinału US Open, my zrazumieli, što možam kvalifikavacca na vynikovy turnir», — skazaŭ Mirny.
Ciapier čytajuć
«Jany čamuści dumajuć, što ich zaraz zhvałciać». Prapahanda kinułasia tušyć abureńnie biełarusaŭ 150 tysiačami pakistancaŭ23
Kamientary