U Ivanavie asudžanaja 20-hadovy strachavy ahient, jakaja zraschodavała hrošy klijentaŭ na naviedvańnie źlotu bajkieraŭ.
Jak paviedamiła staršy pamočnik prakurora Bresckaj vobłaści Volha Dźmitruk, hramadzianka Ukrainy, jakaja maje vid na žycharstva ŭ Biełarusi, pracujučy strachavym ahientam ZAST «Pramtransinviest» na pahraničnym pierachodzie «Mochra» ŭ vioscy Kalena Ivanaŭskaha rajona,
16 i 31 maja 2009 hoda nie zdała ŭ bank 380 i 275 jeŭra.
Jany byli atrymany joju ad uładalnikaŭ transpartnych srodkaŭ za strachavyja polisy abaviazkovaha strachavańnia hramadzianskaj adkaznaści.
Padčas papiaredniaha i sudovaha śledstva ahient rastłumačyła, što
hrošy prysabiečyła i rastraciła na źlocie bajkieraŭ pad Brestam, a taksama na kuplu adzieńnia, kaśmietyki, apłatu pasłuh mabilnaj suviazi. Na źlot bajkieraŭ jany jechała na taksi, zapłaciŭšy pryblizna 100 tys. rubloŭ.
Pryhavoram suda Ivanaŭskaha rajona 7 kastryčnika 2009 hoda były strachavy ahient pryznana vinavataj va ŭčynieńni złačynstva, praduhledžanaha čč. 1 i 2 art. 211 Kryminalnaha kodeksa (prysvajeńnie abo rastrata). Joj pryznačana pakarańnie ŭ vyhladzie pazbaŭleńnia voli
terminam na dva hady ŭ kałonii ahulnaha režymu sa štrafam u 100 bazavych vieličyń (3,5 młn. rubloŭ)
i pazbaŭleńniem prava zajmać materyjalna adkaznyja pasady terminam na čatyry hady.
Pry pryznačeńni pakarańnia sud uličyŭ raskajańnie abvinavačanaj i častkovaje kampiensavańnie joju materyjalnaha ŭronu. Astatniaja jaho častka ŭ pamiery 656.058 rubloŭ prysudam spahnana z asudžanaj.
Ciapier čytajuć
«Jany čamuści dumajuć, što ich zaraz zhvałciać». Prapahanda kinułasia tušyć abureńnie biełarusaŭ 150 tysiačami pakistancaŭ23
Kamientary