Pres-słužba Łukašenki paviedamiła, što jon padpisaŭ ukaz № 155 «Ab sadavodčych tavarystvach». Dakumient, jak śćviardžajecca, nakiravany «na likvidacyju nazapašanych z ulikam praktyki dziejnaści sadavodčych tavarystvaŭ niedachopaŭ i supiarečnaściaŭ u zakanadaŭstvie i spraščeńnie vyrašeńnia mnohich pytańniaŭ».
U pryvatnaści, dakumientam vyznačany paradak pryniaćcia členami tavarystva rašeńnia ab uklučeńni jaho terytoryi ŭ miežy nasielenaha punkta abo ŭtvareńnia novaha nasielenaha punkta na jaho asnovie.
Taksama ŭkazam uvodzicca mahčymaść pieradačy na bałans dziaržaŭnych enierhazabiaśpiečvalnych arhanizacyj vysakavoltnych elektrasietak tavarystvaŭ. Praz heta členy tavarystvaŭ zmohuć prymianiać taryf na elektraenierhiju jak dla žyllovaha fondu.
Akramia taho, ukazam źmienieny padychody da farmiravańnia pamieraŭ členskich unioskaŭ. Najaŭnyja normy ab ich spahnańni biez zaležnaści ad pamieraŭ ziamielnych učastkaŭ skarektavanyja, i zaraz tavarystvy zmohuć prymać rašeńni pa hetych pytańniach samastojna.
Taksama miascovym uładam dali prava sami pryznačać staršyniu praŭleńnia tavarystva ŭ vypadku jaho praciahłaj adsutnaści.
Čytajcie taksama:
Kolki ciapier u Biełarusi pustych chat?
Ci možna vyvieści daču ŭ indyvidualnuju žyllovuju zabudovu i jak nie pamylicca z vybaram lecišča
Urad vyznačyŭ śpis pasieliščaŭ i sadovych tavarystvaŭ, dzie nielha budzie kupić učastak ziamli
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym2
Kamientary