Na papularnych biełaruskich placoŭkach pa handli nieruchomaj majomaściu źjaviłasia abjava ab prodažy bujnoha handlova-zabaŭlalnaha centra «Arena-sici» na praśpiekcie Pieramožcaŭ u Minsku. Za HZC prosiać $74 młn, ale ciapierašni ŭładalnik hatovy tarhavacca, piša Office Life.
Ahulnaja płošča abjekta — 84 tys. kv. mietraŭ, siaredniaja cana «kvadrata» — $880.
«Abjavy ab prodažy raźmiaścili 30 maja. Prodaž źviazany z tym, što ciapierašni ŭłaśnik «Areny-sici» (havorka idzie pra kampaniju «A-sici») ličyć, što centr maje patrebu ŭ śviežym pohladzie na arhanizacyju handlovych płoščaŭ — mahčyma, ich varta aptymizavać i rearhanizavać», — patłumačyła Office Life ahient pa prodažy nieruchomaści «Silvan-Inviest» Natalla Sančukoŭskaja.
«Ciapierašni ŭłaśnik hatovy tarhavacca. Hety abjekt apošnim časam prapanoŭvaŭsia niekalkim bujnym biełaruskim biznesoŭcam — nakolki mnie viadoma, cikavaść jość», — paviedamiła ahient.
«Arenu-sici» pabudavała ŭ 2013 hodzie kampanija «Trajpł», zasnavanaja Juryjem Čyžom.
Ale ŭ 2016-m HZC pierajšoŭ Biełahraprambanku, jaki finansavaŭ budoŭlu pavodle damovy zvarotnaha lizinhu. De-jure handlovy centr staŭ ułasnaściu banka, ale kiravała im padkantrolnaja siamji Čyža kampanija «Prastor-Trejd».
U siaredzinie 2019 hoda Biełahraprambank źmianiŭ lizinhaatrymalnika i HZC pierajšoŭ pad kiravańnie kampanii «Parahis» (tady ProStore źmianiŭsia na Green, pryjšli novyja arandatary).
U sakaviku 2022-ha ŭ «Arena-sici» znoŭ źmianiłasia kiroŭnaja kampanija: Biełahraprambank pieradaŭ HZC u daviernaje kiravańnie «A-sici», zasnavanaj lizinhavaj kampanijaj samoha banka — «Ahralizinh».
Ciapier čytajuć
Biełaruska narakaje, što siem hadoŭ nie moža znajści pastajannuju pracu. A ŭ emihracyi stała jašče składaniej10
Kamientary