Łukašenka pieradaŭ rasijskamu aliharchu biełaruski farmaceŭtyčny zavod zadarma
Zavod «Dyjalek» piarojdzie pradpryjemstvu «Fierejn», jakoje naležyć rasijskamu biznesoŭcu Uładzimiru Bryncałavu.
Zavod «Dyjalek» piarojdzie pradpryjemstvu «Fierejn», jakoje naležyć rasijskamu biznesoŭcu Uładzimiru Bryncałavu.
Spačatku «Dyjalek» byŭ pieradadzieny Bryncałavu ŭ arendu. Kampanija «Fierejn» ukłała ŭ prajekt 40 młn dalaraŭ, pastaviŭšy na zavod novaje abstalavańnie, zdolnaje vypuskać da 400 najmieńniaŭ lekavych preparataŭ, paviedamlaje «Ježiednievnik».
Łukašenku spadabalisia płany Bryncałava naładzić vypusk antybijotykaŭ, što musiać całkam zamianić darahija impartnyja anałahi. I było pryniata rašeńnie addać raniej arendavany zavod.
Zhodna z zahadam kiraŭnika dziaržavy, «Dyjaleku» całkam śpišuć zapazyčanaści pierad biudžetam, a potym pieradaduć pradpryjemstvu Bryncałava jak majomasny kompleks, to bok faktyčna zadarma.
Adnak
dziaržava atrymaje 25% akcyj SAAT «Fierejn». Taksama ŭradu daručana raspracavać inviestycyjnuju damovy pra budoŭlu da 2015 hoda na bazie pieriedavanaha majomasnaha kompleksa novaha zavoda.
«Fierejn» stanie pravapierajemnikam «Dyjaleka». Paśla afarmleńnia nieabchodnaj dakumientacyi, pradpryjemstva zmoža ažyćciaŭlać dziejnaść na asnovie raniej vydadzienych pradpryjemstvu «Dyjalek» licenzij.
Tryvohu vyklikaje toj fakt, što pradpryjemstvy Bryncałava ŭ Rasii byli zamiašanyja ŭ vypusk falsifikavanych miedykamientaŭ.
Ciapier čytajuć
«Jany čamuści dumajuć, što ich zaraz zhvałciać». Prapahanda kinułasia tušyć abureńnie biełarusaŭ 150 tysiačami pakistancaŭ23
Kamientary