Litoŭcy niepakojacca, što Łukašenka moža znoŭ vykarystać nielehalnych mihrantaŭ padčas samitu NATA
U Litvie dapuskajuć, što režym Łukašenki dla destabilizacyi situacyi moža znoŭ vykarystoŭvać nielehalnych mihrantaŭ padčas Vilenskaha samitu NATA ŭ lipieni. Pra heta raskazaŭ kiraŭnik Słužby achovy dziaržaŭnaj miažy Rustamas Lubajevas, piša Delfi.
«My padtrymlivajem pastajanny kantakt sa słužbami raźviedki i kontrraźviedki, aceńvajem abstanoŭku na dziaržaŭnaj miažy. Na siońniašni dzień mnie b nie chaciełasia nazyvać niejkuju kankretnuju ryzyku. Ryzykaj, jakaja ŭvachodziać u zonu našaj adkaznaści, moža być vykarystańnie nielehalnaj mihracyi z metaj destabilizacyi abstanoŭki padčas praviadzieńnia mierapryjemstva», — skazaŭ Lubajevas na pres-kanfierencyi, arhanizavanaj MUS u sieradu.
Pa słovach kiraŭnika litoŭskich pamiežnikaŭ, niahledziačy na toje, što na siońniašni dzień płyń nielehalnych mihrantaŭ na litoŭskaj miažy skaraciłasia, biełaruski režym usio ž moža znoŭ pasprabavać adnavić nielehalnuju mihracyju padčas samitu NATA.
«Jość imaviernaść, što režym Łukašenki i jaho pamahatyja pasprabujuć vykarystać hety instrumient suprać nas, arhanizujučy vyšturchoŭvańnie nielehalnych mihrantaŭ na našu terytoryju albo da mierapryjemstva, albo padčas jaho», — adznačyŭ Rustamas Lubajevas.
Tym nie mienš jon zapeŭnivaje, što situacyja na miažy znachodzicca pad bieśpierapynnym nahladam i kantrolem. «Za situacyjaj na dziaržaŭnaj miažy viadziecca bieśpierapynnaje nazirańnie, taksama viadziecca nazirańnie i za situacyjaj u susiednich dziaržavach. Havorka idzie nie tolki pra Respubliku Biełaruś, ale i pra Rasijskuju Fiederacyju, i našy viedamstvy viaduć hety manitorynh», — padkreśliŭ jon.
Samit NATA ŭpieršyniu ŭ historyi projdzie ŭ Vilni 11-12 lipienia.
Ciapier čytajuć
«U takuju ž haleču, dy jašče i chałodnuju, pakistancy nie pajeduć». Biełarus piać tydniaŭ pravioŭ u Pakistanie — voś što jaho ŭraziła28
Kamientary