U sieradu projduć matčy ŭ adkaz plej-of adboračnaha turniru da čempijanatu śvietu pa futbole—2010.
26 z 32-ch zbornych užo vyznačylisia, zastałosia razyhrać šeść puciovak: čatyry ŭ Jeŭropie, adnu ŭ Łacinskaj Amierycy, adnu ŭ Afrycy.
Čatyry stykavyja matčy projduć u Jeŭropie.
Pieršym pačniecca matč va ukrainskim Daniecku, dzie zbornaja Ukrainy zhulaje z čempijonam Jeŭropy 2004 h. zbornaj Hrecyi (pačatak a 20-j).
U subotu, 14 listapada, u pieršym matčy ŭ Afinach była zafiksavana ničyja 0:0, i ciapier ukraincam dastatkova pieramahčy ź lubym likam. Zrešty i hrekam dastatkova zhulać vynikovuju ničyju ź lubym likam (h.zn, 1:1, 2:2 i dalej).
U Marybory zhulajuć zbornyja Słavienii i Rasii (21:45). Pieršy matč u Maskvie zavieršyŭsia pieramohaj Rasii – 2:1.
Matč Słavienija – Rasija pakaža ŭ žyvym efiry kanał ANT.
U Zienicy zbornaja Bośnii prymaje Partuhaliju (pieršy matč vyjhrała Partuhalii pry dapamozie štanhaŭ i belki svajoj bramy bramy – 1:0), pačatak siońniašniaha matču ŭ 21:45.
U Paryžy Francyja hulaje z Irłandyjaj (22:00). U pieršym matčy francuzy ŭ Dublinie na «Kroŭk Park» pieramahli 1:0, dziakujučy chutčej rykašetu ad Sent-Ledžera, čym trapnamu ŭdaru Nikala Anelka.
U minułuju subotu nie vyznačyŭsia apošni kandydat ad Afryki, zbornyja Ałžyra i Jehipta nabrali adnolkavuju kolkaść bałaŭ i dadatkovych pakazčykaŭ u svajoj hrupie, i ciapier pamiž imi budzie praviedzieny dadatkovy matč. Hulnia projdzie siońnia ŭ Sudanie (19:30).
Hłybokaj nočču (ci ranicaj 19 listapada) vyznačycca apošni ŭdzielnik mundyjala. Zbornaja Uruhvaja ŭ Montevidea zhulaje z Kosta-Rykaj. U pieršym matčy ŭ haściach uładalnik samaha pierša Kubka Śvietu (1930 h.) zbornaja Uruhvaja pieramahła ŭ haściach 1:0.
Pucioŭki na čempijanat śvietu pa futbole — 2010 pa stanie zabraniravali 26 zbornych z 32-ch:
Paŭdniova‑Afrykanskaja Respublika (jak arhanizatar),
Jeŭropa: Anhlija, Danija, Hałandyja, Ispanija, Italija, Hiermanija, Słavakija, Sierbija, Šviejcaryja.
Azija: Japonija, KNDR, Respublika Kareja, Aŭstralija.
Afryka: Hana, Kot DJIvuar, Kamierun, Nihieryja.
Paŭdniovaja Amieryka: Brazilija, Parahvaj, Čyli, Arhiencina.
KONKAKAF: Mieksika, ZŠA, Handuras.
Akijanija: Novaja Ziełandyja.
Zbornaja Biełarusi siońnia ŭ Padhorycy praviadzie tavaryskuju sustreču z Čarnahoryjaj (pačatak matču a 18-j).
Ciapier čytajuć
«Jany čamuści dumajuć, što ich zaraz zhvałciać». Prapahanda kinułasia tušyć abureńnie biełarusaŭ 150 tysiačami pakistancaŭ23
Kamientary