Dni kultury italjanskaj vobłaści Kałabryja adkrylisia ŭviečary 17 listapada ŭ Minsku ŭ Biełaruskim tavarystvie družby i kulturnaj suviazi z zamiežnymi krainami.
Mierapryjemstva arhanizavana tavarystvam družby «Biełaruś — Italija» i asacyjacyjaj «Italija — Biełaruś» z horada Redža-dzi-Kałabryja.
Vystupajučy na adkryćci Dzion kałabryjskaj kultury, prezident italjanskaj asacyjacyi prafiesar Franka Miłazi vyznačyŭ zadaču mierapryjemstva jak «ažyćciaŭleńnie kulturnaha i humanitarnaha ŭzajemadziejańnia pamiž hramadzianami Biełarusi i dziaržaŭnymi ŭstanovami Kałabryi». Aporaj dla raźvićcia takoha supracoŭnictva, pavodle jaho słoŭ, stali «praktyka sumiesnaha sudakranańnia i kaštoŭnaść svabodnaha dyjałohu».
Italija štohod prymaje na azdaraŭleńnie dziesiatki tysiač biełaruskich dziaciej z rajonaŭ, paciarpiełych ad čarnobylskaj katastrofy. Niekalki tysiač ź ich haściujuć u kałabryjskich siemjach. Pavodle słoŭ Miłazi, vyrastajučy, hetyja dzieci zachoŭvajuć suviazi z tymi, chto ich «pryniaŭ i palubiŭ jak rodnych», praciahvajuć vyvučać italjanskuju movu i kulturu, u tym liku va Univiersitecie Dante Alihjery ŭ Redža-dzi-Kałabryja.
Znajomstva z Kałabryjaj u miežach Dzion kultury pačałosia z architektury i piejzažaŭ hetaha rehijonu.
rafiesar architektury Sandra Danata raskazaŭ ab historyi i architekturnych transfarmacyjach svajho horada na praciahu mnohich stahodździaŭ. Udzielnikam viečaryny byŭ pakazany dakumientalny film ab Kałabryi, jaki raskazvaje pra pryrodu i pomniki kultury hetaj častki Paŭdniovaj Italii.
Dni kultury Kałabryi zavieršacca 19 listapada viečaram kałabryjskaj hastranomii. Pasłańnik Asacyjacyi italjanskich kulinaraŭ Renata Kučynota paviedamić pra hastranamičnyja schilnaści i kulinarnyja tradycyi rehijonu. Jon taksama prezientuje svoj film ab tym, jak pravilna i niadoraha pryhatavać pradukty mora ŭ biełaruskich umovach.
Ciapier čytajuć
«Jany čamuści dumajuć, što ich zaraz zhvałciać». Prapahanda kinułasia tušyć abureńnie biełarusaŭ 150 tysiačami pakistancaŭ23
Kamientary