U Italii praciahvajucca stykavyja matčy płej-of za vychad u Sieryju A. U subotu ŭ matčy ŭ adkaz druhoha raŭnda «Parma», za jakuju hulaje Džanłuidžy Bufon, prymała «Kaljary», jaki treniruje Kłaŭdzia Rańjery.
Matč u Parmie zaviaršyŭsia ź likam 0:0, i «Kaljary» vyjhraŭ supraćstajańnie ź likam 3:2 pa sumie dźviuch hulniaŭ.
Hałoŭnaj temaj matča ŭ adkaz staŭ hoł hulca haspadaroŭ Bani na 74-j chvilinie. Technałohija linii varot hoł zaličyła i pasłała adpaviedny sihnał na hadzińnik hałoŭnamu arbitru, ale VAR paličyŭ, što miač całkam nie pierasiok liniju varot, tamu hoł byŭ admienieny.
U sieradu paśla pieršaha tajma pieršaha matča «Parma» viała ź likam 2:0, ale na druhi tajm 45-hadovy Bufon nie vyjšaŭ z-za traŭmy, i jaho kamanda prapuściła try miačy. U druhim matčy jon užo nie trapiŭ u zajaŭku.
Takim čynam, u finale płej-of «Kaljary» sustreniecca z «Bary». Matčy adbuducca 8 i 11 červienia.
Džanłuidžy Bufon pačynaŭ karjeru ŭ «Parmie» ŭ 1991 hodzie. Jon čatyry hady hulaŭ za moładzievuju kamandu, potym šeść siezonaŭ pravioŭ u darosłaj kamandzie, adkul u 2001 hodzie za 52 miljony jeŭra (heta byli rekordnyja hrošy dla hałkipieraŭ) pierajšoŭ u «Juvientus». U Turynie Bufon pravioŭ 17 siezonaŭ, potym hod hulaŭ u PSŽ, zatym viarnuŭsia na dva hady ŭ «Juvientus».
Uletku 2021 hoda Supiermien (takaja jaho mianuška) viarnuŭsia ŭ «Parmu», jakaja vylecieła ŭ toj hod u Sieryju B. Za dva hady Bufon pravioŭ za kłub 43 hulni. U minułym hodzie «Parma» finišavała 12-j, a sioleta vyjšła ŭ stykavy raŭnd, ale viarnucca ŭ Sieryju A nie zdoleła.
Na žal, pryhoža viarnucca lehiendzie suśvietnaha futboła ŭ Sieryju A nie ŭdałosia.
Kłaŭdzia Rańjery, darečy, treniravaŭ «Kaljary» ŭ 1988—1991 hadach, vyvieŭšy kłub ź Sieryi S1 u Sieryju A. Jak atrymajecca zaraz, pabačym praz tydzień.
Stała viadoma, chto žanich byłoj deputatki Maryi Vacilevič4
Kamientary