Pra surjoznaje zachvorvańnie Hintsa Frejmanisa stała viadoma zimoj, kali da hramadskaści źviarnulisia pa dapamohu ŭ lačeńni.
Paśla boju ź ciažkaj chvarobaj va ŭzroście 38 hadoŭ pamior były hulec zbornaj Łatvii pa futbole Hints Frejmanis, piša Delfi.lv.
«U kastryčniku 2021 hoda mnie pastavili dyjahnaz rak skury — miełanoma 4-j stadyi, u vyniku čaho praviali apieracyju ŭ pachvinnaj vobłaści, bo byli mietastazy. Mietastazy pačalisia i ŭ lohkich, piečani i nyrcy. Va ŭnutranych orhanach udałosia spynić i pamienšyć raźvićcio miełanomy. Na žal, padčas čarhovych analizaŭ 17 studzienia hetaha hoda vyjavili mietastazy ŭ hałavie. Nieabchodnaja vaša dapamoha, kab praciahnuć lačeńnie. Chaj Boh budzie miłaserny», — napisaŭ u lutym 2023 hoda były futbalist zbornaj Łatvii, jakomu žychary krainy apieratyŭna achviaravali nieabchodnyja dla lačeńnia srodki.
Frejmanis debiutavaŭ u składzie zbornaj Łatvii ŭ 2014 hodzie ŭ matčy Kubka Bałtyi suprać Litvy, vyjšaŭšy na zamienu. Za zbornuju jon zhulaŭ 13 matčaŭ, zabiŭšy adzin hoł.
«Hints Frejmanis nazaŭždy zastaniecca ŭ pamiaci zaŭziataraŭ jak niepachisny bajec na poli, jaki nie davaŭ prachodu nivodnamu supierniku i dziela svajoj kamandy byŭ hatovy na ŭsio. Sapraŭdny čałaviek spravy z vysokimi žyćciovymi pryncypami i pramianistaj dabrynioj», — havorycca ŭ žałobnaj zajavie Łatvijskaj fiederacyi futboła.
Na kłubnym uzroŭni Frejmanis čatyry razy vyjhravaŭ Kubak Łatvii ŭ składzie «Jełhavy». Na jaho rachunku bolš za 200 hulniaŭ u vyšejšaj lizie. U 2016 hodzie jon byŭ pryznany najlepšym abaroncam čempijanatu. Frejmanis taksama hulaŭ u Irłandyi i Hiermanii, ale apošnija matčy jon pravioŭ u łatvijsvkim kłubie Leevon. Paśla zaviaršeńnia karjery futbalista Frejmanis staŭ trenieram «Dobełe».
Miris viens no visgaišākajiem cilvēkiem, ko pazinu ... Jelgavas un Latvijas futbola dvēsele ... Lai vieglas smiltis un lai Taisaulē daudz labu futbola spēļu. Ginta piederīgajiem un draugiem vislielākā līdzjutība ... pic.twitter.com/nFsNI5uVvs
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža31
Kamientary