U ZŠA znajšli sabaku z samym doŭhim jazykom u śviecie. Jazyk daŭžejšy za blašanku haziroŭki
Śpiecyjalisty Knihi rekordaŭ Hiniesa pryznali, što sabaka z štata Łuizijana maje samy doŭhi jazyk u śviecie — 12,7 santymietra.
«Hibryd» łabradora i niamieckaj aŭčarki pa mianušcy Zoŭi (heta dziaŭčynka) stała rekardsmienkaj za samy doŭhi jazyk u žyvoha sabaki. Daŭžyniu jazyka ad končyka pysy da končyka jazyka vymiaraŭ vieterynar. Jana skłała 12,7 santymietra. Heta bolš za blašanku koły.
Haspadary Zoŭi — Sendzi i Dru Uiljams — padzialilisia, što ŭziali sabaku, kali jamu było ŭsiaho 6 tydniaŭ. Jany amal adrazu zaŭvažyli niezvyčajna doŭhi jazyk.
«My dumali, što jana pieraraście jaho, ale hetaha nie adbyłosia. U jaje da hetaha času vielizarny jazyk u paraŭnańni ź jaje ciełam», — kaža Sendzi Uiljams.
Pa słovach pary, Zoŭi lubiać usie susiedzi. Na prahułcy ŭsie chočuć pahładzić sabaku.
«Ale my papiaredžvajem ich zahadzia: «Hej, jana pryjaznaja, ale moža ablić vas ślinaj». Čas ad času jana heta robić, i ŭ vyniku zastajecca vialiki śled ad śliny na čornych štanach».
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža31
Kamientary