Pasažyry samalota, jaki lacieŭ u San-Francyska z Deli, apynulisia ŭ Mahadanie
Načavać im daviałosia na matracach u škole.
Boinh indyjskaj avijakampanii lacieŭ z Deli ŭ San-Francyska, ale adbyłasia pałomka ruchavika i bort byŭ vymušany sieści ŭ Mahadanie, udaryŭšysia ab jamu na pasadačnaj pałasie. Paśla mahadanskaha aeravakzała, pasažyry daviedalisia, što «haścinic niama», piša «Lentač».
U samalocie znachodziłasia 232 pasažyry i 11 členaŭ ekipaža. Bolšaść ź ich — hramadzianie ZŠA i Indyi. Ich pasialili ŭ miascovych škołach i DK, dali im matracy. Ciažarnym dali internat miedkaledža, a miascovaj haścinicy chapiła tolki na dziaciej. Akramia taho, na vulicu zamiežnikam vychodzić nielha, ź imi dziažurać pamiežniki. Ciapier jany čakajuć reziervovaha samalota, prybyćcio jakoha dazvoliła Rasavijacyja.
«Jany, kali pryziamlalisia, adčuli ŭdar samalota pry trapleńni ŭ jamu — pieršaje ŭražańnie pra Mahadan. Druhoje — jany prachodzili praz naš aeravakzał. I treciaje — haścinic niama. Raśsialili, adpracavali ŭ režymie nadzvyčajnaj situacyi. Nichto nie čakaŭ, što avaryjna siadzie samalot», — zajaviŭ hubiernatar rehijona Siarhiej Nosaŭ.
Jon taksama padzialiŭsia płanami ab pabudovie čatyrochzorkavaha hatela i aeravakzalnaha kompleksu, a taksama paabiacaŭ adramantavać uźlotna-pasadačnuju pałasu.
— snatch (@sna7c4) June 7, 2023
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža31
Kamientary