Šmatpakutny park Čaviesa ŭ Minsku kančatkova rekanstrujujuć. Voś jak jon źmienicca
Tam źjaviacca vieniesuelskija matyvy — jak minimum u brukavańni placoŭki dla masavych mierapryjemstvaŭ.
U staličnym parku Uha Čaviesa idzie rekanstrukcyja — užo treciaja čarha. Jon zajhraje novymi farbami. Pryčym jak u pramym, tak i pieranosnym sensie, piša Tochka.by.
Treciaja čarha rekanstrukcyi parku pa abjomach samaja maštabnaja, jak raskazaŭ prarab filijała PMK-1 AAT «Budtrest №35» Artur Vajavodski. U paradak pryvodziać vielizarnuju terytoryju ŭ miežach vulic Niomanskaja, Lidskaja, Kaleśnikava i Kazimiraŭskaja.
«Ciapier aktyŭna pracujem nad prakładkaj inžyniernych sietak, abuładkavańniem daroh, zajezdaŭ i haściavych parkovak, farmiravańniem adchonaŭ. Užo hatovy cokal administracyjna-bytavoha korpusa, dzie budzie taksama zona hramadskich prybiralniaŭ, zalitaja bietonnaja asnova pad dźvie haściavyja parkoŭki z boku Lidskaj i Niomanskaj na 84 i 32 mašynamiescy. U zonie kulturna-masavych mierapryjemstvaŭ prystupili da brukavańnia tratuarnych darožak», — raskazaŭ Vajavodski.
Jak źmienicca park
Hetych samych darožak u parku stanie značna bolš. Plitki raschodujecca niejmaviernaja kolkaść — usiaho 13 vidaŭ! Abiacajuć raznastajnyja kampazicyjnyja i kalarovyja rašeńni. Charakterna, što malunak brukavańnia placovak dla masavych mierapryjemstvaŭ budzie vykanany pa matyvach arnamientaŭ Vieniesueły.
Jašče niekalki važnych ličbaŭ: u parku pastaviać taksama 24 km bardziuraŭ, pakładuć 13 tysiač «kvadrataŭ» spartyŭnaha pakryćcia.
Abiacajuć, što hetaja terytoryja budzie patanać u zielaninie. Na płoskich pavierchniach i adchonach pakładuć 55 tysiač kvadratnych mietraŭ hazona. Taksama vysadziać 736 dreŭ i bolš za 3 tysiačy dekaratyŭnych kustoŭ.
Łandšaftny dyzajn naohuł pradumany da drobiaziaŭ. Uličyli pierapady vyšyń i stromkija schiły — buduć stvoranyja sistemy padpornych ścienak i kaskady padjomaŭ z pramiežkavymi krajavidnymi placoŭkami, jakija abstalujuć pierhałami i łaŭkami.
Zabavy ŭ parku
Paśla rekanstrukcyi tam źjaviacca dźvie horki dla katańnia na ciubinhach, vieładarožka, ściežka zdaroŭja, placoŭki dla skiejtbardystaŭ, zaniatkaŭ sportam i parkuram. Budzie miesca jak dla masavych mierapryjemstvaŭ, tak i dla cichaha adpačynku.
Dla dziaciej arhanizujuć dziciačy hulniavy haradok «Kazačnaje karaleŭstva». Abiacajuć navat «Koła ahladu», ale jano, kali i źjavicca, to krychu paźniej.
Śviacki pałac — tvor italjanskaha majstra dla pruskaha hrafa sa staražytnaha biełaruskaha rodu
U kožnym rajonie Minska sioleta zrobiać zony adpačynku. Dzie ich raźmieściać i što tam budzie
U Mahilovie zadumali dekamunizavać najstarejšy skvier horada
Jak pamiraŭ vieniesuelski siabar Łukašenki Uha Čavies
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža31
Kamientary