Na levym bierazie Chiersonščyny rasiejcy adciahnuli svaje padraździaleńni na 5-15 km
Heta ŭskładniła mahčymaść voraha teraryzavać pravabiarežnuju Chiersonščynu ź minamiotaŭ.
Na levym bierazie Chiersonščyny akupanty adciahnuli svaje padraździaleńni na 5-15 km u zaležnaści ad raźlivu vady. Heta ŭskładniła mahčymaść voraha teraryzavać pravabiarežnuju Chiersonščynu ź minamiotaŭ, adnak pakul nie paŭpłyvała na abstreły z artyleryi, reaktyŭnych sistem załpavaha ahniu i ŭdary avijabombami, piša UNIAN.
Jak paviedamiła ŭ efiry infarmacyjnaha telemarafonu kiraŭnica Abjadnanaha kaardynacyjnaha pres-centra sił abarony «Poŭdnia» Natalla Humianiuk, ciapier situacyja na Chiersonščynie składanaja.
Pavodle jaje słoŭ, navat u hetych umovach vorah praciahvaje abstrelvać pravy bierah i teraryzavać mirnaje nasielnictva navat va ŭmovach humanitarnaj evakuacyi.
«Adsočvajučy situacyju z pavodzinami voraha na levym bierazie, moža kanstatavać, što jany adciahvajuć svaje padraździaleńni, pačali jany hety ruch za niekalki dzion da hetaha terakta, i my ŭśviedamlali, što jany rychtujucca», — skazała Humianiuk.
Tak, rasiejcy adyšli na adlehłaści ad 5 da 15 km ad svaich papiarednich pazicyj u zaležnaści ad raźlivu vady.
Pres-sakratarka sił abarony «Poŭdnia» ŭdakładniła, što ciapier mahčymaść akupantaŭ teraryzavać pravabiarežnuju Chiersonščynu ź minamiotaŭ uskładnienaja praz pavieličeńnie adlehłaści, adnak heta pakul nie paŭpłyvała na abstreły z artyleryi, reaktyŭnych sistem załpavaha ahniu i ŭdary avijabombami.
Nahadajem, što nočču 6 červienia rasiejcy ździejśnili padryŭ damby Kachoŭskaj HES.
Praz padryŭ adbyłosia značnaje vyzvaleńnie vady, jakaja zatapiła dziasiatki navakolnych nasielenych punktaŭ i terytoryj na dziasiatki kiłamietraŭ vakoł. Bolšaja častka zatoplenych terytoryj ciapier znachodzicca pad akupacyjaj. Akupanty nie dapamahajuć ukraincam na zachoplenych terytoryjach i nie pravodziać evakuacyju nasielnictva z padtoplenych viosak i pasiołkaŭ.
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža31
Kamientary