Pierad padryvam, sa słoŭ sakratara Rady nacyjanalnaj biaśpieki i abarony Ukrainy, rasijskija vojski padniali ŭzrovień vady na Kachoŭskaj HES, bo kantralavali jaje.
Rasijskija siły śviadoma ŭzarvali Kachoŭskuju HES pa zahadzie z Kramla, jak paviedamiŭ u efiry «Radyjo Svaboda» sakratar Rady nacyjanalnaj biaśpieki i abarony Ukrainy Alaksiej Daniłaŭ.
«Padryŭ damby adbyŭsia rasijskimi terarystami toj vybuchoŭkaj, jakuju zakłali zahadzia jašče ŭ vieraśni — kastryčniku minułaha hoda, chutčej za ŭsio, pa zahadzie Maskvy, usio heta adbyłosia ŭčora. Kamanda na hety terarystyčny akt vydavałasia z Kramla, z kabinieta Pucina.
Na inšych uzroŭniach takija zahady nie addajucca. Heta nie ŭzrovień bataljona, dyvizii, heta nie ŭzrovień navat situacyi, źviazanaj z Šajhu», — skazaŭ Daniłaŭ.
Pierad padryvam, sa słoŭ Daniłava, rasijskija vojski padniali ŭzrovień vady na Kachoŭskaj HES, bo kantralavali jaje.
Rasiejcy, jakija ŭzarvali stancyi, zładzili heta praz ukrainski kontrnastup, jak dadaŭ Daniłaŭ.
«Jany ŭsie čakajuć naš kontrnastup. Bolš za toje, jany maksimalna padniali ŭzrovień. Jon byŭ 18.16 mietra, jany jaho padniali bolš za 19 mietraŭ. Nazapasili śviadoma, kab bolš škody stvaryć padčas padryvu», — kaža sakratar RNBA.
Choć razbureńnie HES moža paŭpłyvać na pracu Zaparožskaj AES, najbližejšyja čatyry miesiacy situacyja tam budzie stabilnaja, tak ličyć sakratar RNBA.
Kiraŭnik «Ukrhidraenierha» apisaŭ dva scenary raźvićcia padziej na Kachoŭskaj HES
Što nieabchodna viedać pra Kachoŭskuju HES i da čaho moža pryvieści jaje padryŭ
«Ni vadoj, ni rakietami nie spynić Ukrainy». Zialenski prakamientavaŭ padryŭ damby Kachoŭskaj HES
Pieršy spadarožnikavy zdymak źniščanaj Kachoŭskaj HES
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža31
Kamientary