Jak pačyścić vaš akaŭnt u Google Play — pakrokavy hajd
Pa apošnich paviedamleńniach, siłaviki pačali hladzieć na miažy nie tolki halereju i sacyjalnyja sietki, ale i Google Play. Nie ŭsie viedajuć, ale navat vydalenyja prahramy zachoŭvajucca ŭ historyi nazaŭsiody.
![](http://nnexpictures.fra1.digitaloceanspaces.com/img/w732d4webp1/photos/z_2023_06/smartphone-g4225833bc_128011-qstqt.jpg.webp)
Imavierna, śpiecsłužby šukajuć tam ślady prahramy (mobile app) «Novaja Biełaruś» abo starych prahramaŭ niezaležnych vydańniaŭ i, mahčyma, taksama VPN. U lubym vypadku, kali vy chočacie vydalić ślady ŭstalavanaj prahramy całkam, treba vykanać nastupny ałharytm.
Spačatku ŭvajdzicie ŭ prahramu Google Play. Jaje emblema vyhladaje voś tak:
![](http://nnexpictures.fra1.digitaloceanspaces.com/img/w732d4webp1/photos/z_2023_06/photo_2023-06-072100531-o3t6w.jpeg.webp)
Paśla hetaha treba nacisnuć na vyjavu vašaha profilu. Jana znachodzicca ŭ krajnim pravym kucie.
![](http://nnexpictures.fra1.digitaloceanspaces.com/img/w732d4webp1/photos/z_2023_06/photo_2023-06-07204949111-xlo2c.jpeg.webp)
Paśla hetaha adkryjecca mieniu. Abiarycie punkt «Kiravańnie prahramami i pryładaj» i naciśnicie na jaho.
![](http://nnexpictures.fra1.digitaloceanspaces.com/img/w732d4webp1/photos/z_2023_06/photo_2023-06-0720495011-k3snz.jpeg.webp)
Paśla hetaha pierajdzicie ŭ punkt «Kiravańnie». Znajdzicie tam prahramu, jakuju vy chočacie vydalić.
![](http://nnexpictures.fra1.digitaloceanspaces.com/img/w732d4webp1/photos/z_2023_06/photo_2023-06-0720495211-suu55.jpeg.webp)
Paśla hetaha naciśnicie «ptušačku» ŭ pravym boku nasuprać nazvy prahramy abo doŭhim naciskańniem na nazvu. Prahladzicie śpis i praciahvajcie vyłučać prahramy, jakija vy chacieli b vydalić.
![](http://nnexpictures.fra1.digitaloceanspaces.com/img/w732d4webp1/photos/z_2023_06/photo_2023-06-072049531-epd0v.jpeg.webp)
Paśla hetaha naciśnicie na karcinku «Śmietnicy», jakaja znachodzicca ŭ vierchnim pravym kucie. U vas adkryjecca akienca paćviardžeńnia vydaleńnia prahramy abo prahramaŭ.
![](http://nnexpictures.fra1.digitaloceanspaces.com/img/w732d4webp1/photos/z_2023_06/photo_2023-06-072049542-vhth0.jpeg.webp)
Naciśnicie «Vydalić». Paśla źviarnicie ŭvahu na vierchni radok punkta mieniu «Kiravańnie». Tam jość punkt «Ustalavanyja» sa strełkaj u pravym baku. Naciśnicie na jaho.
Ciapier vam treba nacisnuć «Nie ŭstalavanyja», kab adkryŭsia śpis usich prahramaŭ, jakija vy niekali ŭstaloŭvali na vaš telefon.
![](http://nnexpictures.fra1.digitaloceanspaces.com/img/w732d4webp1/photos/z_2023_06/photo_2023-06-072049551-a0b7b.jpeg.webp)
Źviarnicie ŭvahu: prahrama «Novaja Biełaruś», jakuju my vydalali ŭ minułym punkcie, zastałasia ŭ śpisie «Nie ŭstalavanych». To-bok navat paśla vydaleńnia jana zastałasia ŭ śpisie.
Vyłučycie prahramy, jakija vy chacieli b vydalić, takim ža čynam, jak i ŭ minułym punkcie — naciskajučy na «ptušački» z pravaha boku ad nazvaŭ abo doŭha naciskajučy na samu nazvu. Abiarycie ŭsie prahramy, jakija vy chacieli b vydalić.
![](http://nnexpictures.fra1.digitaloceanspaces.com/img/w732d4webp1/photos/z_2023_06/photo_2023-06-07204957-jumex.jpeg.webp)
Paśla taho jak vy abieracie ŭsie prahramy, jakija chočacie vydalić, naciśnicie na «Śmietnicu» i paćvierdzicie vydaleńnie takim ža samym čynam. Paśla hetaha ŭnizie źjavicca akienca, jakoje paćviardžaje vydaleńnie.
Ciapier vydalenaja prahrama nie budzie pakazvacca ŭ Google Play. Imavierna, historyja pra jaje vydaleńnie zastajecca na siervierach Google, ale praz smartfon fakt jaje ŭstalavańnia prahladzieć budzie niemahčyma.
«Naša Niva» — bastyjon biełaruščyny
PADTRYMAĆ«Połk Kalinoŭskaha pryjdzie vyzvalać Biełaruś — ty budzieš rady»? Što pytajucca i što hladziać u telefonie — raskazvaje čałaviek, jaki niadaŭna prachodziŭ miažu
Zatrymlivajuć ludziej, u jakich adšukali fota z pratestaŭ u Google Photos. Jak abaranić siabie — pakrokavy hajd
Jak zarehistravać ananimnyja akaŭnty ŭ Telegram, sacsietkach i inšych miesiendžarach — padrabiazny hajd
Kamientary