U abłomkach «Tytanika» znajšli karali z zubam miehaładona — hihanckaj staražytnaj akuły
Siarod abłomkaŭ viadomaha patanułaha karabla znajšli vielmi niezvyčajnaje ŭpryhožańnie.
Na patanułym «Tytaniku» daśledčyki vyjavili vielmi niezvyčajnaje ŭpryhožańnie — załatyja karali z zubam miehaładona, vielizarnaj staražytnaj akuły. Pra heta pisała vydańnie The Times sa spasyłkaj na daśledavańnie kampanii Magellan.
Kamanda navukoŭcaŭ z Magellan zajmajecca skanavańniem «Tytanika» ŭžo doŭhi čas. U minułym hodzie ich padvodnyja aparaty praviali na dnie kala 200 hadzin i zrabili 700 tysiač fotazdymkaŭ łajniera dla 3D-rekanstrukcyi. Jakraz paśla stvareńnia adnoj z 3D-madelaŭ abłomkaŭ łajniera i byli znojdzienyja niezvyčajnyja karali z zubam miehaładona.
Zub hihanckaj akuły ŭ załatym upryhožańni byŭ znojdzieny siarod inšych rečaŭ, padobnych da pacierak. Na dumku daśledčykaŭ, heta ŭsio ŭvachodziła ŭ kalekcyju adnaho z pasažyraŭ pieršaha kłasa. Na žal, zhodna z zakanadaŭstvam Vialikabrytanii i ZŠA, padymać artefakty z patanułaha karabla zabaroniena. Ciapier uładalnika karalaŭ płanujuć znajści pry dapamozie štučnaha intelektu, jaki vyvučyć usie fatahrafii z hetym mierkavanym pasažyram.
«My znajšli zub miehaładona, jaki zrobleny ŭ vyhladzie karalaŭ. Heta niejmavierna. Heta absalutna niejmavierna», — padzialiŭsia Ryčard Parkinsan, dyrektar kampanii Magellan, acharaktaryzavaŭšy znachodku jak niešta «dziŭnaje, pryhožaje i zachaplalnaje».
U toj ža čas inšyja navukoŭcy pakul nie mohuć skazać dakładna, ci byŭ heta sapraŭdy zub miehaładona albo zub inšaj sučasnaj akuły. Adnak całkam imavierna, što heta sapraŭdnyja reštki hihanckaj akuły, jakaja źnikła kala 3,6 miljona hadoŭ tamu.
Ciapier čytajuć
Łukašenka nazvaŭ patrabavańni i pretenzii da Litvy: alternatyŭny ŭrad, charuhvy, port, mašyny dla Zimbabve, sanatoryj55
Łukašenka nazvaŭ patrabavańni i pretenzii da Litvy: alternatyŭny ŭrad, charuhvy, port, mašyny dla Zimbabve, sanatoryj
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju1717
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju17
«Byŭ hałodny, jak z Aśviencima, nie jeŭ ni miasa, ni harodniny». Što viadoma pra śmierć babrujskaha žurnalista, na jakoha zaviali kryminalnuju spravu ŭ Polščy2424
Kamientary