«Mianie trojčy sprabavali rasstralać». Padpałkoŭnik, jakoha ŭziali ŭ pałon «vahnieraŭcy», raskazaŭ svaju viersiju padziej
Telehram-kanał «Baza» apublikavaŭ videa z byłym kamandziram 72-j motastrałkovaj bryhady Minabarony RF, padpałkoŭnikam Ramanam Vieniavicinym, jaki staŭ znakamitym tym, što trapiŭ u pałon da «vahnieraŭcaŭ». Vieniavicin raskazaŭ, što jon vajavaŭ u Čačni i Siryi, całkam padtrymlivaje vajnu va Ukrainie, vykazvaje ŭpeŭnienaść, što Rasija pieramoža, i dzielicca svajoj viersijaj sutyčki z PVK «Vahnier».
«Jak adbyłosia majo pałanieńnie: ja abjazdžaŭ svaje padraździaleńni i pieradavyja paradki, šlach mnie zaharadzili supracoŭniki PVK. Dla hetaha nie było padstaŭ. Ciarpieć heta ja, jak bajavy aficer, nie źbiraŭsia.
U vyniku supracoŭniki «Vahniera» byli razzbrojenyja i adpraŭlenyja ŭ viadomym kirunku: na ch*j jany byli pasłanyja», — kaža padpałkoŭnik.
Ale jaho pałanili, kaža jon, i katavali.
«Mianie pałanili, trymali ŭ sklepie, ździekavalisia tak, jak nie ździekavaŭsia b luby azłobleny ruski sałdat z pałonnaha sałdata USU. Mianie źbili, nie davali spać, try razy za noč mianie prosta vyvałakvali sa sklepa i sprabavali rasstralać. Videa z maim dopytam — heta vynik cisku», — tłumačyć jon.
Jon ciapier užo admaŭlaje, što 72-ja bryhada miniravała tyły PVK «Vahnier» (pra heta jon pryznavaŭsia na videa, apublikavanym PVK).
«Heta tryźnieńnie sivoj kabyły, heta ŭsio pi***ž. Heta nie tyły «Vahniera», heta zona adkaznaści 72-j bryhady. Heta zajava — heta pradukt zapalonaha rozumu i pijar-słužby «Vahniera» i sproba ataki na kiraŭnictva Minabarony», — praciahvaje padpałkoŭnik.
Jon kaža, što ad pačatku vajny z «vahnieraŭcami» byli napružanyja stasunki.
«Napružanaść z «vahnierami» ŭ mianie i majoj bryhady pačalisia ź pieršych dzion pierakidańnia nas na Arciomaŭski kirunak (tak jon nazyvaje Bachmut — NN).
Bajcy PVK «Vahnier» vykrali dva tanki T-80, čatyry harmaty, «Kamaz», BMP», — śćviardžaje Vieniavicin.
«Byŭ vypadak, źviazany z pahrozaj fizičnaj raspravy nad bajcami roty REB, jakich abiacali akružyć i «abnulić» tolki za toje, što jany pracavali nie tak, jak chaciełasia «vahnieram». Byŭ vykradzieny staršyna adnaho z našych bataljonaŭ, jaho mučyli, katavali, pyrskali ŭ vočy kisłatoj, ablivali bienzinam. Byŭ vykradzieny načalnik štaba, jakoha źbili i vykinuli źviazanym u rajonie bajavych dziejańniaŭ», — pieraličaje Vieniavicin.
Jon pryvodzić i jašče adzin vypadak. «U krasaviku — mai na maim učastku adkaznaści abmiarkoŭvali aburalny vypadak, kali bajca z susiedniaha złučeńnia «apuścili», i toj ad biazvychadnaści prosta skončyŭ žyćcio samahubstvam. Byli vypadki, kali bajcoŭ vykradali i sprabavali pamianiać ich na bojeprypasy», — kaža jon.
Padpałkoŭnik nazvaŭ isnavańnie PVK machnoŭščynaj i źviarnuŭsia da Pryhožyna: «Jaŭhien Viktaravič, vy zajmajeciesia dyskredytacyjaj US RF».
Vieniavicin kaža, što padtrymlivaje «śpiecapieracyju», Rasija, pavodle jaho, pieramoža ŭ «hetaj vajnie z Ukrainaj i NATA», «dziakujučy jadnańniu vakoł prezidenta RF i ŭzbrojenych sił».
«My jašče prymusim paškadavać pra svaje rašeńni kaalicyju zachodnich krain», — niečakana skončyŭ pramovu padpałkoŭnik.
4 červienia pres-słužba kiraŭnika PVK «Vahnier» Jaŭhiena Pryhožyna ŭ svaim telehram-kanale vykłała videa z pałonnym rasijskim padpałkoŭnikam. Toj padčas dopytu pryznaje vinu za napad jaho sałdat na «vahnieraŭcaŭ», bo sam byŭ u toj momant «u stanie ałkaholnaha apjanieńnia» i pry hetym adčuvaŭ «asabistuju varožaść» da najmitaŭ.
U Biełaruskaj pravasłaŭnaj carkvie abnavili ceńnik? Voś jakija buduć rekamiendavanyja taryfy7
Kamientary