Viadoma pra troch zahinułych i troch paranienych.
Pad ranicu 14 červienia rasiejcy nanieśli rakietnyja ŭdary pa haradach Kramatorsk i Kanstancinaŭka Danieckaj vobłaści, viadoma pra troch zahinułych i troch paranienych, pra heta piša «Ukrainskaja praŭda».
«Troje zahinułych i troje paranienych — takija papiarednija danyja pa stratach siarod cyvilnych u vyniku ranišniaha abstrełu Danieččyny. Udaryli na dośvitku — a 5 ranicy — skiravali rakiety pa Kramatorsku i Kanstancinaŭcy. Dva čałavieki zahinuli i dvoje paranienyja ŭ Kramatorsku, adzin zahinuŭ i paranieny — u Kanstancinaŭcy», — napisaŭ kiraŭnik administracyi Paŭło Kirylenka.
Kirylenka ŭdakładniŭ, što varožyja rakiety patrapili ŭ pryvatny siektar haradoŭ i nanieśli značny ŭron: u Kramatorsku całkam razburanyja prynamsi 5 pryvatnych damoŭ i paškodžanyja dva dziasiatki, u Kanstancinaŭcy — dva razburanyja i paškodžanyja 55 damoŭ.
Akramia taho, paciarpieŭ hazapravod i elektrasietki.
Vyratavalnyja i kamunalnyja słužby pracujuć na miescy złačynstvaŭ, dapamahajuć ludziam.
Siońnia nočču byŭ naniesieny ŭdar pa Adesie — zahinuli try čałavieki.
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža31
Kamientary