Łukašenka zabaraniŭ nieabhruntavana vyklikać biełarusaŭ u milicyju i KDB
Ukaz Łukašenki ad 13 červienia ŭnosić źmieny ŭ jahonuju ž dyrektyvu ab debiurakratyzacyi dziaržaparatu, jakaja dziejničaje jašče z 2006 hoda. U dakumiencie skazana, što najvažniejšyja zadačy dziaržavy — abarona pravoŭ i svabod hramadzian. A jaje paśpiachovaść zaležyć ad efiektyŭnaści raboty z nasielnictvam. Na adzin z punktaŭ źviarnuŭ uvahu blizko.by.
U dyrektyvie Łukašenka zahadvaje «vyklučyć vypadki nieabhruntavanaha vykliku hramadzian, pradstaŭnikoŭ jurydyčnych asob u sudy, orhany prakuratury, unutranych spraŭ, dziaržaŭnaj biaśpieki, Kamiteta dziaržaŭnaha kantrolu, padatkovyja, mytnyja i inšyja dziaržaŭnyja orhany, znachodžańnie nazvanych asob u nazvanych orhanach zvyš času, nieabchodnaha dla vytvorčaści pracesualnych dziejańniaŭ».
Pry pryniaćci rašeńniaŭ, jakija zakranajuć pravy, svabody i zakonnyja intaresy hramadzian i jurydyčnych asob, patrabujecca «niaŭchilna vykonvać patrabavańni zakanadaŭstva, nie dapuskać ich advolnaha tłumačeńnia pry ŭžyvańni. U vypadku niajasnaści abo niedakładnaści pradpisańniaŭ pravavoha akta rašeńni pavinny prymacca zychodziačy z maksimalnaha ŭliku zakonnych intaresaŭ hramadzian i jurydyčnych asob».
Akramia taho, čynoŭnikam daviadziecca papracavać da viečara. Kiraŭnikam dziaržorhanaŭ i ich namieśnikam, a taksama staršyniam vykankamaŭ usich uzroŭniaŭ i ich namieśnikam pradpisvajuć arhanizoŭvać asabistyja pryjomy biełarusaŭ štotydzień z 08:00 da 13:00 ci z 15:00 da 20:00. A minimum raz na miesiac takija mierapryjemstvy pavinny zakančvacca nie raniej za 20:00.
Źjaviacca novyja kłopaty i ŭ dziaržaŭnych miedyja. Ich redakcyi pavinny buduć aśviatlać «stanoŭčyja prykłady rašeńnia pytańniaŭ ad hramadzian, chod rašeńnia vyjaŭlenych rezanansnych prablemnych pytańniaŭ». Na praciahu dvuch dzion dziaržaŭnyja miedyja abaviazanyja apaviaščać dziaržorhany ab apublikavańni materyjału pra nievykanańnie čynoŭnikami patrabavańniaŭ zakonaŭ pa rabocie z nasielnictvam. A dziaržorhany pavinny razhladać hetyja publikacyi i prymać zachady.
-
Italjaniec pierajechaŭ u biełaruskuju viosku i pačaŭ piačy sapraŭdnuju picu na drovach
-
«90 čałaviek vyhnali pad piakučaje sonca i trymali tam try hadziny. Ja paŭtarała tolki adnu malitvu: niachaj im usio vierniecca»
-
Ci chopić sioleta €2000, kab adpačyć na mory? Što adbyvajecca z cenami na letni adpačynak
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža31
Kamientary
Vykanaŭcam by padumać,što na samalocie dla pabiehu miesca nie budzie