Minadukacyi abdumvaje dapracoŭki ŭ sistemu ŭstupnaj kampanii, u tym liku ŭ CE. Pra mahčymyja źmieny raskazaŭ pieršy namieśnik ministra adukacyi Alaksandr Bachanovič u parłamiencie.
Jon raskazaŭ, jakija novaŭviadzieńni abmiarkoŭvajucca adnosna centralizavanaha ekzamienu.
«Mahčyma, škały pieravodu bałaŭ budziem zahadzia davodzić da viedama hramadskaści, jašče zadoŭha da pačatku CE, kab ludzi razumieli, jak budzie adbyvacca padlik.
Jašče, dapuścim, u asabistym kabiniecie naroŭni z bałami, jakija budziem vykładvać, my možam vykłaści i skan, kopiju adkazaŭ, kab kožny školnik, jaho baćki, nastaŭniki mahli pahladzieć i paraŭnać. Jość błank adkazaŭ, jość škała, jość acenka», — dadaŭ pieršy namieśnik ministra.
Jon taksama zakranuŭ temu metavaj padrychtoŭki i adznačyŭ jaje vysokuju efiektyŭnaść.
«Metavaja padrychtoŭka budzie vielmi maštabna raźvivacca. Tyja etapy ŭstupnaj kampanii, jakija my vyłučyli, jakraz i dazvalajuć abituryjentam vyznačycca, ci chočuć jany pajści kankretna na metavuju padrychtoŭku, zdać unutrany ekzamien. Tam vykładčyki vočy ŭ vočy bačać uzrovień padrychtoŭki abituryjenta, pierakonvajucca, što jon sapraŭdy metanakiravana idzie na hetuju śpiecyjalnaść i choča pracavać niepasredna ŭ hetaj arhanizacyi. Na naš pohlad, heta dazvolić značna pavialičyć zamacavanaść kadraŭ paśla ich abaviazkovaj adpracoŭki, stvaryć spryjalnyja ŭmovy na rynku pracy i zabiaśpiečyć zapaŭnieńnie vakansij», — padkreśliŭ Alaksandr Bachanovič.
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža31
Kamientary