«Heta budzie zdrada». Załužny nie daŭ padarvać masty ŭ Kijevie na pačatku rasiejskaha ŭvarvańnia
Rasiejcy nie zmahli vysadzić desant z vajennaj technikaj u Hastomieli, adnak uziali ŭ apieratyŭnaje akružeńnie Čarnihaŭ, imkliva prasoŭvalisia pa Sumščynie i z dnia na dzień mahli vyjści na levabiarežnyja pryharady Kijeva.
Hałoŭnakamandujučy Uzbrojenych Sił Ukrainy Valeryj Załužny ŭ pačatku poŭnamaštabnaha ŭvarvańnia Rasii va Ukrainu i sproby atačeńnia Kijeva nie daŭ zhody na padryŭ mastoŭ u stalicy. Pa danych Ukrainskaj słužby BBC, razmova pra heta ŭźnikła 26 lutaha 2022 hoda.
Na treci dzień poŭnamaštabnaha ŭvarvańnia RF va Ukrainu ŭžo było vidavočna, što płan rasiejcaŭ «zachapić Kijeŭ za try dni» pravaliŭsia, adnak jany padyšli vielmi blizka da stalicy.
Rasiejcy nie zmahli vysadzić desant z vajennaj technikaj u Hastomieli, adnak jany ŭziali ŭ apieratyŭnaje akružeńnie Čarnihaŭ, imkliva prasoŭvalisia pa Sumščynie i z dnia na dzień mahli vyjści na levabiarežnyja pryharady Kijeva.
Publična ŭłady zaklikali ŭkraincaŭ nie panikavać, adnak pamiž saboj va ŭradzie pačali aktyŭna abmiarkoŭvać ideju padarvać usie kijeŭskija masty, kab zatrymać rasiejskuju armiju pierad Dniaprom i nie dapuścić voraha da ŭradavaha kvartała.
Tady adzin z vysokapastaŭlenych čynoŭnikaŭ nabraŭ tahačasnaha kiraŭnika SBU Ivana Bakanava i patrabavaŭ, kab toj zahadaŭ svaim śpiecnazaŭcam padarvać masty i adrezać levy bierah Dniapra ad pravaha.
Situacyja była składanaj. Bakanaŭ patelefanavaŭ da hałoŭnakamandujučaha USU hienierała Valeryja Załužnaha. Toj jaho vysłuchaŭ i biez vahańniaŭ adkazaŭ: «Padarvać masty? Ni ŭ jakim razie! Heta budzie zdrada tym, chto zastaŭsia na levym bierazie Dniapra — i vajennym, i cyvilnym».
Čytajcie taksama:
Załužny: Pryjšoŭ čas viartać svajo
«Nie chapała siły». Załužny zhadaŭ, što daviało jaho da śloz z pačatku rasijskaha ŭvarvańnia
Załužny pra pieramohu Ukrainy: Zamała tolki vyzvaleńnia akupavanych terytoryj
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža31
Kamientary