Borys Džonsan znajšoŭ sabie pracu. I hanarar prystojny, i praca pa pieršaj śpiecyjalnaści
Były premjer-ministr Vialikabrytanii i eks-deputat Pałaty hramad Borys Džonsan budzie pracavać u śfiery žurnalistyki. Pra heta paviedamlaje «Jeŭrapiejskaja praŭda» sa spasyłkaj na Politico.
Adznačajecca, što Džonsan budzie aŭtaram štotydniovaj kałonki dla vydańnia Daily Mail. Žurnalistyka — asnoŭny zaniatak Džonsana da taho, jak jon pryjšoŭ u palityku.
Surazmoŭcy vydańnia raspaviali, što tajamničy «erudziravany novy kałumnist», jaki źjaviŭsia na pieršaj pałasie piatničnaha vypusku haziety, pakazvaje na Džonsana. Zhodna z anonsam, novy kałumnist pačnie pracu ŭ subotu.
Za napisańnie kałonki Džonsan budzie atrymlivać «šaściznačnuju sumu».
Napisańnie kałonak dla Mail stanie pieršaj rehularnaj žurnalisckaj pracaj Džonsana paśla adychodu z Daily Telegraph u 2019 hodzie.
Adnak redaktary Mail, chutčej za ŭsio, nie ŭ zachapleńni ad navin ab svaim novym zornym kałumniście, tak jak byłyja kalehi Džonsana zhadvajuć ab prablemach u časie sumiesnaj pracy.
U pryvatnaści, jak uspaminaje adzin z byłych redaktaraŭ Džonsana, toj nie zaŭsiody svoječasova zdavaŭ materyjały.
Nahadajem, 9 červienia Borys Džonsan abviaściŭ ab adstaŭcy z pasady deputata Pałaty hramad na fonie skandału, źviazanaha ź viečarynkami na Daŭninh-stryt padčas kavidnych abmiežavańniaŭ.
15 červienia była ahučana parłamienckaja spravazdača, u jakoj Džonsan nieadnarazova śviadoma ŭvodziŭ parłamient u zman svaimi zajavami ab viečarynkach na Daŭninh-stryt, jakija parušali praviły pavodzin padčas pandemii kavidu.
Kamientary
Hanarar u 10 raz bolej .vielmi cikavy prafiesijny žurnalist