Zialenski zajaviŭ, što Budanaŭ udzielničaŭ va ŭčarašnim pasiadžeńni vajennaha kabinieta
«Była siońnia jašče adna padzieja, jašče adzin punkt majho hrafika, pra jaki pakul nie paviedamlałasia. Heta vajenny kabiniet. [U im udzielničali] našy kamandujučyja: hienierały Syrski, Tarnaŭski, Załužny, Šaptała […], — i byŭ Budanaŭ», — skazaŭ prezident Ukrainy Uładzimir Zialenski ŭ viačernim zvarocie.
15 červienia «RIA Naviny» sa spasyłkaj na krynicu ŭ siłavych strukturach paviedamili ab ciažkim ranieńni Kiryły Budanava ŭ vyniku ŭdaru pa kiravańni raźviedki 29 maja.
Da hetaha ŭ rasijskich telehram-kanałach raspaŭsiudžvałasia infarmacyja pra jaho hibiel. 16 červienia pradstaŭnik HUR Andrej Jusaŭ skazaŭ, što z Budanavym usio ŭ paradku.
Raniej rasijskaja prapahanda (a za joj i biełaruskaja) ciaham maja zapuskała infarmacyju pra toje, što spačatku nibyta zahinuŭ, a paśla byŭ ciažka paranieny hałoŭnakamandujučy USU Valeryj Załužny. Jon sapraŭdy nie pakazvaŭsia na publicy niekalki tydniaŭ, ale 25 i 26 maja źjaviŭsia i na fota, i na videa.
Apošniaje na siońniašni dzień videa z Kiryłam Budanavym źjaviłasia 11 červienia. U im kiraŭnik ukrainskaj raźviedki paŭchviliny hladzić u kamieru i nie pramaŭlaje ni słova, a ŭ kancy rolika ŭźnikaje nadpis: «Płany lubiać cišyniu».
Favarytka Łukašenki i Čyža — što pryniesła himnastcy Ksienii Sankovič blizkaść z palityčnymi elitami?6
Kamientary